پنجاب کی جیلوں میں نادار قیدیوں کو مفت لیگل ایڈ فراہم کر دی گئی، 43 جیلوں میں فری لیگل ایڈ کمیٹیاں قائم

پاکستان لاہور(نمائندہ وائس آف جرمنی):‌نادار قیدیوں کی امداد کیلئے وزیراعلی پنجاب مریم نواز کی ہدایت پرمحکمہ داخلہ پنجاب کا شاندار اقدام- وزیرِ اعلیٰ کی ہدایت پہ پنجاب بھر کی جیلوں میں نادار قیدیوں کو مفت لیگل ایڈ فراہم کر دی گئی۔ وزیر اعلیٰ مریم نواز نے کہا کہ اب پنجاب میں کوئی غریب قیدی وکیل کی سہولت سے محروم نہیں رہے گا۔ محکمہ داخلہ پنجاب نے صوبہ بھر کی تمام 43 جیلوں میں فری لیگل ایڈ کمیٹیاں قائم کر دی ہیں۔ فری لیگل ایڈ کمیٹیاں پنجاب بار کونسل اور ضلعی بار ایسوسی ایشنز کے اشتراک سے تشکیل دیں۔ نادار اسیران جو مقدمات کی پیروی کیلئے وکیل کا انتظام نہیں کر سکتے انہیں فری لیگل ایڈ ملے گی۔ مستحق اسیران اپنے متعلقہ سپرنٹنڈنٹ جیل کو درخواست دیں گے جنہیں وکلاء سے ملوایا جائے گا۔ پنجاب بھر میں کل 447 وکلاء کو فری لیگل ایڈ کمیٹیوں میں شامل کیا گیا ہے۔
امریکی سیاستدانوں پر حملوں کی ممکنہ سازش کے الزام میں پاکستانی شخص پر فرد جرم عائد کر دی
محکمہ داخلہ پنجاب کے مطابق لاہور ڈویژن میں 45 وکلاء، گوجرانولہ ڈویژن میں 90، راولپنڈی میں 70 وکلاء، فیصل آباد ڈویژن میں 47، ملتان میں 45، سرگودھا میں 24 وکلاء،بہاولپور ڈویژن 55، ساہیوال میں 55 اور ڈی جی خان میں 16 وکلاء فری لیگل ایڈ کمیٹی میں شامل ہیں۔