پی ایچ اے کے ڈیلی ویجز مزدوروں کا وکیل بن کر ان کا مقدمہ لڑوں گا،سپیکر پنجاب اسمبلی

لاہور(نمائندہ وائس آف جرمنی): سپیکر پنجاب اسمبلی ملک محمد احمد خان نے جیلانی پارک میں پودا لگا، تقریب سے خطاب کرتے ہوئے انہوں نے کہا کہ پی ایچ اے کے ڈیلی ویجز مزدوروں سے وعدہ کرتا ہوں کہ ان کا وکیل بن کر ان کا مقدمہ لڑوں گا اور رزق حلال کمانے والے مزدوروں کو ان کا حق ان کی دہلیز پر دلاؤں گا۔ اس موقع پر صحافیوں کے سوالات کا جواب دیتے ہوئے انہوں نے کہا کہ ملک کی پرائیڈ پرائم ایجنسی کے سربراہ کا حراست میں لیا جانا اور کورٹ مارشل ہونا ایک غیر معمولی بات ہے، تحقیقات اور تفصیلی رپورٹ سامنے آئے گی تو فیض عمران اور ثاقب گٹھ جوڑ کے حقائق معلوم ہوں گے، نو مئی بغاوت تھی اور باغیوں کو ہر صورت سزا ملے گی۔ ایک سوال کے جواب میں ملک محمد احمد خان کاکہنا تھا کہ جب سانحہ نو مئی ہوا تو اس وقت فیض حمید ایک کور کو ہیڈ کور ہے تھے حیران کن طور پر منظم انداز میں انتیس مقامات پر حملے گئے گئے اور تمام حملوں کے اثرات ایک جیسے تھے۔ فیض حمید سمیت کئی لوگ حراست میں ہیں جامع تحقیقات ہوں گی تو بانی پی ٹی آئی فیض اور ثاقب نثار گٹھ جوڑ سامنے آئے گا، عوام سب جانتے ہیں لیکن یہ ایک دوسرے سے اعلان لاتعلقی کررہے ہیں۔