پی کے ایل آئی سکیورٹی کیلئے پنجاب سیف سٹی اتھارٹی کیمرے لگائے گی، کمشنر لاہور
انہوں نے چیرمین پی کے ایل آئی ڈاکٹر سعید اختر کے ہمراہ ہسپتال سے متصل سڑکوں ، گرین بیلٹ کی خوبصورتی، یو ٹرن توسیع پر جاری کام کا جائزہ لیا
لاہور پاکستان(نمائندہ وائس آف جرمنی): کمشنر لاہور محمد علی رندھاوا کا کہنا ہے کہ پی کے ایل آئی سکیورٹی کیلئے پنجاب سیف سٹی اتھارٹی کیمرے لگائے گی۔
کمشنر لاہور و ڈی جی ایل ڈی اے محمد علی رندھاوا نے پاکستان کڈنی اینڈ لیور ٹرانسپلانٹ کا دورہ کیا۔ انہوں نے چیرمین پی کے ایل آئی ڈاکٹر سعید اختر کے ہمراہ ہسپتال سے متصل سڑکوں ، گرین بیلٹ کی خوبصورتی، یو ٹرن توسیع پر جاری کام کا جائزہ لیا۔ چیف انجینئر ٹو مظہر حسین اور پراجیکٹ ڈائریکٹرز نے منصوبے کی پیش رفت پر بریفنگ دی۔ سی ای او نالج پارک ڈاکٹر مائرہ، اے سی کینٹ و دیگر افسران بھی اس موقع پر موجود تھے۔
پاکستان کڈنی اینڈ لور انسٹیٹیوٹ (پی کے ایل آئی) کے گرد اپروچنگ روڈز پر ترقیاتی کاموں کیلئے ڈیڈ لائن مقرر کر دی گئی۔ اس موقع پر گفتگو کرتے ہوئے محمد علی رندھاوا نے کہا پی کے ایل آئ کے سامنے ایریا میں صرف پھولدار و پھلدار توانا پودے لگیں گے۔ پی کے ایل آئ تک سپیڈو بس سروس کیلئے پلاننگ کی جائیگی۔ پی کے ایل آئی کا مانومنٹ نیا ڈیزائین کیا جائے، ماہرین منظوری دیں گے۔ 24/7ترقیاتی کاموں کو جاری رکھا جائے۔ معیار کمپرومائز نہیں ہونا چاہئیے۔
کمشنر لاہور نے پی کے ایل آئی کے گرد بجلی کی تمام تاریں ایک ہفتہ میں انڈر گراونڈ کرنے کا حکم بھی دے دیا۔ گرین بیلٹس سے تمام کنٹینرز کو فوری ہٹانے کا حکم بھی دیا۔
