میرے خیال میں۔۔۔۔۔۔امجد عثمانی

میرے خیال میں۔۔۔۔۔۔
علمائے ختم نبوت امام کعبہ سے
ملاقات کریں۔۔۔۔۔اور ہندوستان سے ایک صدی پہلے اٹھے فتنے کے مکروہ چہرے کو بے نقاب کریں۔۔۔۔۔۔۔۔
علمائے کرام امام کعبہ کو قائل کریں کہ وہ حرمین شریفین کے جمعہ خطبات اور خاص طور پر خطبہ حج میں عقیدہ ختم نبوت کو لازمی موضوع قرار دیں کہ یہ عالمگیر موضوع ہے۔۔۔۔۔۔۔
جب حرم کعبہ اور حرم مسجد نبوی سے "لا نبی بعدی”کی صدا گونجے گی تو چہار دانگ عالم میں اس کی بازگشت سنائی دے گی۔۔۔۔۔۔۔۔خطبہ حج میں تو یہ موضوع سونے پر سہاگہ بن کر نکھرے گا۔۔۔۔۔۔۔۔۔۔
ذرا سوچیں کہ جب امام حج عین اسی جگہ پر کھڑے ہوکر” لا نبی بعدی”کے الفاظ دہرائیں گے کہ جس مقام پر خاتم النبیین صلی اللہ علیہ وسلم نے آسمان کی طرف انگشت مبارک کرکے فرمایا تھا کہ اے اللہ گواہ رہنا کہ میں نے تیرا دین پہنچا دیا۔۔۔۔۔۔

جب امام حج کہیں گے کہ اے لوگو سنو۔۔۔ اللہ کے آخری نبی آچکے۔۔۔۔اب کوئی نبی اور رسول نہیں آئے گا۔۔۔۔۔۔حضرت محمد کریم صلی اللہ علیہ وسلم کے بعد کسی نے دعویٰ نبوت کیا تو وہ کذاب ٹھہرا۔۔۔۔۔آئندہ بھی کوئی مدعی نبوت اٹھا تو کذاب ہی کہلائے گا۔۔۔۔

جب امام حج کہے گا کہ لوگو سنو سنو۔۔۔ امام مہدی اور عیسی علیہ السلام بھی ابھی کہیں نہیں آئے ہیں۔۔۔۔۔وہ ضرور آئینگے لیکن قرب قیامت پر تشریف لائیں گے۔۔۔۔۔۔۔

تو دنیا کے کونے کونے سے آئے لاکھوں حجاج کرام” ماہی بے آب” کی طرح تڑپ اٹھیں گے اور عقیدہ ختم نبوت کو دل میں سجائے اپنے اپنے ملک واپس لوٹیں گے۔۔۔۔۔

میرا دل کہتا ہے عقیدہ ختم نبوت کے اس "بیانیے” سے صرف دو تین سال میں ہندوستان سے دنیا بھر میں پھیلے اس بدبودار فتنے کا جنازہ اس دھوم سے نکلے گا کہ آسمان بھی جھوم اٹھے گا۔۔۔۔۔۔
کیا کہتے ہیں قابل صد احترام علمائے کرام بیچ اس تجویز کے؟؟؟؟؟