شہریوں کی سہولت کے لئے ایل ڈی اے ون ونڈو سیل کی سیکنڈ شفٹ کا آغاز کر دیا گیا۔

لاہور پاکستان(نمائندہ وائس آف جرمنی):‌ ایل ڈی اے ون ونڈو سیل کی کارکردگی میں بہتری کے لیے اہم اقدامات، پہلی بار ایل ڈی اے ون ونڈو سیل کی سیکنڈ شفٹ کا آغاز کر دیا گیا ہے۔شہریوں کو سہولت کے لئے ایل ڈی اے ون ونڈوسیل کی ٹائمنگ صبح 9 سے رات 9 بجے تک کر دی گئی ہے۔شہری اب ون ونڈوسیل میں رات 9 بجے تک ایل ڈی اے سے متعلقہ سروسز حاصل کر سکیں گے۔کمشنر لاہور و ڈی جی ایل ڈی اے محمد علی رندھاوا نے ایڈیشنل ڈی جی ہاو¿سنگ کو ون ونڈو سیل سے متعلقہ امور و افسران کی کارکردگی کو مانیٹر کرنے کی ہدایات کر دی۔کارکردگی میں بہتری لانے کے لیے دونوں شفٹوں میں الگ الگ ڈائریکٹر آپریشنز تعینات کر دیئے گئے ہیں، مزید عملہ بھی تعینات کیا جائے گا۔ون ونڈوسیل میں پہلی بار ڈائریکٹر ون ونڈو آپریشن ٹو بھی تعینات کر دیا گیا۔اسد اللہ چیمہ کو ڈائریکٹر ون ونڈو آپریشن ٹو تعینات کر دیا گیا۔ڈائریکٹر ون ونڈو آپریشن ٹو ون ونڈو سیکنڈ شفٹ اور کلائنٹ ڈائریکٹوریٹ سے متعلقہ امور پر بروقت عملدرآمد یقینی بنائے گا۔ڈی جی ایل ڈی اے محمد علی رندھاوا کی ہدایت پر ڈائریکٹر ایڈمن نے آڈر جاری کر دیئے ہیں۔