پرفارم نہ کرنے والے افسر کے خلاف محکمانہ کارروائی ہوگی، سی سی پی او کی زیر صدارت سول لائنز اور سٹی ڈویژنز کی کارکردگی کا جائزہ اجلاس

لاہو ر پاکستان(نمائندہ وائس آف جرمنی):‌ کیپٹل سٹی پولیس آفیسر لاہور بلال صدیق کمیانہ کی زیر صدارت سول لائنز اور سٹی ڈویژنز کی کارکردگی کا جائزہ لینے سے متعلق اجلاس منعقد ہوا جس میں زیرِ التواء روڈ سرٹیفکیٹس، زیرتفتیش مقدمات، عادی مجرمان، عدالتی مفرور ملزمان و اشتہاری ملزمان کی گرفتاری کے حوالے سے کارکردگی کاجائزہ لیا گیا۔ اجلاس میں ڈی آئی جی(آپریشنز) سید علی ناصر رضوی، ڈی آئی جی (انوسٹی گیشن) عمران کشور، ایس ایس پی(آپریشنز) صہیب اشرف، ایس ایس پی (انوسٹی گیشن)انوش مسعود چوہدری نے شرکت کی۔ سول لائنز اور سٹی ڈویژن کے ایس پیز،اے ایس پیز، سرکل افسران، ایس ایچ اوز، انچارجز(انوسٹی گیشن)بھی اجلاس میں موجود تھے۔
سی سی پی او لاہور بلال صدیق کمیانہ نے اجلاس سے خطاب کوہدایت کی کہ زیر التواء کیسز اور روڈ سرٹیفکیٹس کوجلد از جلد نمٹایا جائے۔ سی سی پی او نے موٹر سائیکل چوروں اور موبائل سنیچرز کے خلاف سخت کریک ڈاؤن کا حکم دیا اور جرائم پیشہ عناصر، بھتہ خوروں، بدمعاشوں اور قبضہ مافیا کے خلاف موثر کارروائی یقینی بنانے کی ہدایت کی۔انہوں نے پولیس فورس کوجرائم پیشہ افراد کے خلاف انٹیلی جنس بیسڈ کومبنگ آپریشنز کرنے کا حکم دیا اورکہا کہ ایس ڈی پی اوز ریڈز کی سربراہی خود کریں۔ جو افسر پرفارم نہیں کرئے گا اس کے خلاف محکمانہ کارروائی کی جائے گی۔ بلال صدیق کمیانہ نے بہتر کارکردگی کے حامل افسران کو اہم ذمہ داریاں سونپنے کی ہدایت کی۔ سی سی پی او نے بھکاری مافیا کے خلاف سخت ترین کریک ڈاؤن کا حکم دیتے ہوئے کہا کہ بھکاریوں کے ہینڈلرز کے خلاف پرچے دیں اور اس مہم میں ٹریفک وارڈنز کو بھی شامل کیا جائے۔ چوکوں اوراہم شاہراؤں پر بھکاریوں کو کھڑا نہ ہونے دیا جائے۔ انہوں نے مزید کہا کہ لاہور پولیس شہریوں کے جان و مال اور عزت و آبرو کے تحفظ کیلئے اپنے فرائض دیانتداری اور جانفشانی سے سر انجام دے۔