لاہور پولیس اور پنجاب سیف سٹیز اتھارٹی کا "سنیچر گینگ” کے خلاف مشترکہ آپریشن

لاہور پاکستان(نمائندہ وائس آف جرمنی): لاہور پولیس اور پنجاب سیف سٹیز اتھارٹی نے مشترکہ آپریشن کاسلسلہ جاری رکھتے ہوئے 2 رکنی سنیچر گینگ کو گرفتار کرلیا۔ تفصیلات کے مطابق سیف سٹی ٹیم کی نشاندہی پر گارڈن ٹاون پولیس نے 2 رکنی ڈکیت گینگ کو گرفتار کیا۔ پولیس آپریشن میں سیف سٹیز کیمروں کی مدد سے ملزمان کو ٹریس کیا گیا۔ ملزمان کے قبضے سے چوری شدہ 3 موٹر سائیکلیں، اسلحہ ،گولیاں اور نقدی برآمد کر لی گئی۔ ملزمان کو گرفتار کرتے ہوئے ضابطے کے مطابق مقدمہ درج کر لیا گیا۔ ایس پی حسن جاوید کا کہنا تھاکہ ملزمان شہریوں سے موبائل،نقدی اور موٹرسائیکل چھینتے اور فرار ہو جاتے تھے۔ لاہور پولیس ڈکیت گینگز کے خلاف سیف سٹی کے ساتھ مل کر ٹارگٹڈ آپریشن کر رہی ہے۔ سیف سٹی کیمرے مجرمان کی نشاندہی اور جرائم کے خاتمے میں مدد گار ثابت ہورہے ہیں۔ شہری اپنے اردگرد کسی بھی مشکوک شخص یا سرگرمی کی اطلاع 15 پر دیں۔