پاکستان کے وزیراعظم میاں شہباز شریف ایران کے نو منتخب صدر مسعود پیزشکیان کی حلف برداری کی تقریب میں ایران جائیں گے۔ ان کی ایران آمد کی توقع 30 جولائی کو ہے۔ یہ بات وزارت خارجہ پاکستان نے جمعرات کے روز بتائی ہے۔
ایرانی نو منتخب صدر مسعود پیزشکیان ایران کے 9ویں منتخب صدر ہیں۔ جن کا انتخاب پچھلے ماہ 28 جون کو کیا گیا ہے۔ ایران کے آٹھویں صدر ابراہیم رئیسی ہیلی کاپٹر حادثے میں اپنے بعض دوسرے رفقاء کے ساتھ جاں بحق ہو گئے تھے۔
صدر مسعود پزشکیان منگل کے روز پارلیمان کی عمارت میں حلف اٹھائیں گے۔
