تربت: فورسز کا کریک ڈاؤن، غیر قانونی اسلحے کی بڑی کھیپ ضبط کر لی

ناصر خان خٹک-پاکستان،وائس آف جرمنی اردو نیوز کے ساتھ
تربت:بلوچستان کے ضلع کیچ کی تحصیل تربت میں سیکورٹی فورسز نے اسلحہ سمگلنگ نیٹ ورک کے خلاف بڑی کارروائی کرتے ہوئے غیر قانونی اسلحے کی بھاری مقدار ضبط کر لی۔ ذرائع کے مطابق یہ کارروائی ایم-8 شاہراہ سمی ناکہ پر مشتبہ پک اَپ کی تلاشی کے دوران کی گئی۔
سیکیورٹی فورسز نے مشتبہ گاڑی سے 400 پستول اور 340 میگزین ضبط کیے۔ کارروائی کے دوران ایک مشتبہ شخص کو گاڑی سمیت گرفتار کر لیا گیا، جس کی شناخت احسن اللہ ولد میر باز خان، ساکن پشاور کے طور پر ہوئی۔
سیکورٹی ذرائع کا کہنا ہے کہ ملکی امن و امان کے قیام اور شرپسند عناصر کے خاتمے کے لیے سیکیورٹی فورسز پرعزم ہیں۔