لاہور میں 13سالہ بچی سے زیادتی کی کوشش کرنے والا ملزم گرفتار

لاہور (نمائائندہ وائس آف جرمنی) بھاٹی گیٹ کے علاقے میں بچی سے زیادتی کی کوشش کرنے والے ملزم کو گرفتار کر لیا گیا ۔ ترجمان سیف سٹیز کے مطابق ورچوئل ویمن پولیس سٹیشن میں 13سالہ بچی سے زیادتی کی کوشش کی کال موصول ہوئی، کالر نے بتایا کہ ایک شخص بچی سے زبردستی زیادتی کرنے کی کوشش کر رہا ہے ، بچی گلی میں کھیل رہی تھی، ملزم اسے بھلا پھسلا کراپنے گھر لے گیا۔
والدین نے تلاش شروع کی تو گھر سے شور سنائی دیا جہاں ملزم بچی سے زبردستی زیادتی کرنے کی کوشش کر رہا تھا، ورچوئل ویمن پولیس سٹیشن نے فوری طور پر پولیس کو موقع پر روانہ کیا، پولیس نے بروقت موقع پر پہنچ کر والدین کی نشاندہی پر ملزم کو گرفتار کر لیا۔پولیس نے ملزم کو حراست میں لیتے ہوئے قانونی کارروائی کا آغاز کر دیا ۔والدین نے بروقت کارروائی کرنے پر سیف سٹی ورچوئل ویمن پولیس سٹیشن اور پولیس کا شکریہ ادا کیا۔ترجمان سیف سٹیز نے کہا کہ خواتین کسی بھی شکایت کی صورت میں ورچوئل ویمن پولیس اسٹیشن سے رابطہ کر سکتیں ہیں۔