اسلام آباد: سابق سینیٹر فیصل واوڈا نے سابق وفاقی کابینہ کی تصویر ’موسٹ وانٹڈ‘ لکھ کر سماجی رابطے کی ویب سائٹ ایکس پر شیئر کر دی۔
فیصل واوڈا نے تصویر کے ساتھ کیپشن میں لکھا کہ تصویر میں تقریباً کافی لوگ ہیں اور کچھ پارٹیوں کے نہیں بھی موجود جن کو ہونا چاہیے تھا، تصویر میں نظر آنے والے پاکستان کی تباہی اور بدحالی کی وجہ ہیں۔
سابق سینیتر نے کہا کہ اب نہیں تو کب؟ جمہوریت کے نام پر یہ بدبودار نظام کا جنازہ ہم کب تک لے کر چلیں گے، جہاں چھوٹے بچوں کو نوکری کے نام پر زیادتی کا نشانہ اور قتل کروا کر بھی گزارانا ممکن ہو۔
فیصل واوڈا نے کہا کہ جہاں پاکستانی عوام کو روٹی کے بھی لالے پڑ گئے وہاں کون کب کیا کرے گا؟ انہوں نے لکھا کہ ’یہ ایکسپائرڈ کرپٹ لیڈرز نا منظور۔‘
