لیسکو کی جانب سے نادہندگان کے خلاف مہم جاری، 174 ویں روز 6.90ملین روپے سے زائد کی وصولی کرلی گئی۔
چیف ایگزیکٹو لیسکو کا کہنا ہے کہ نا دہندگان کے باعث ادارے کو نقصان کا سامنا ہے، ان کے خلاف کارروائی کا سلسلہ جاری رہے گا۔
لاہور پاکستان(نمائندہ وائس آف جرمنی): لاہور الیکٹرک سپلائی کمپنی (لیسکو) کے چیف ایگزیکٹو انجینئر شاہد حیدر کی ہدایت پرڈائریکٹر کسٹمرسروسز رائے محمد اصغر کی زیرِنگرانی نادہندگان کے خلاف مہم جاری، اس سلسلے میں مہم کے 174 ویں روز 379نا دہندگان سے6.90ملین روپے سے زائد کی وصولی کرلی گئی ہے۔سپرنٹنڈنگ انجینئر نادرن سرکل فیضان بٹ کی زیر نگرانی69 نادہندگان سے 1.49 ملین اورسپرنٹنڈنگ انجینئر ایسٹرن سرکل عمر بلال کی زیر نگرانی 44 نادہندگان سے 1.74 ملین کی ریکوری کی گئی۔ دوسری جانب سپرنٹنڈنگ انجینئرسینٹرل سرکل شبیر کی زیر نگرانی 37 نادہندگان سے 0.78 ملین اورسپرنٹنڈنگ انجینئر ساوتھ سرکل ظفر اللہ سانگھی کی زیر نگرانی20 ڈیفالٹرز سے 0.30 ملین کی ریکوری کی گئی۔سپرنٹنڈنگ انجینئر ننکانہ سرکل محمد حسین کی زیر نگرانی 23 نادہندگان سے 0.57 ملین اورسپرنٹنڈنگ انجینئر شیخوپورہ سرکل نجم الحسن کی زیر نگرانی24نادہندگان سے0.41 ملین کی ریکوری کی گئی۔ سپرنٹنڈنگ انجینئر اوکاڑہ سرکل جمشید زمان کی زیر نگرانی 68 نادہندگان سے 0.46 ملین جبکہ سپرنٹنڈنگ انجینئر قصور سرکل احمد شہزاد چغتائی کی زیر نگرانی94 نادہندگان سے 1.15 ملین کی ریکوری کی گئی۔ 174 روز سے جاری مہم کے دوران90705 ڈیفالٹرز سے 2ارب 66 کروڑ روپے سے زائد کی ریکوری کرلی گئی۔ لیسکو ترجمان کی جانب سے جاری کردہ اعلامیہ کے مطابق نادرن سرکل میں 13035 نادہندگان سے 385.76 ملین روپے، ایسٹرن سرکل میں 11522 نادہندگان سے 629.21 ملین کی ریکوری کی گئی۔ سینٹرل سرکل میں 10213 نا دہندگان سے353.35 ملین اور ساؤتھ سرکل میں 5317نا دہندگان سے 150.85 ملین کی ریکوری کی گئی۔ ننکانہ سرکل میں 7993 نادہندگان سے217.24 ملین اور شیخوپورہ سرکل میں 10782نادہندگان سے396.35ملین کی ریکوری کی گئی، اوکاڑہ سرکل میں 14554 نادہندگان سے 170.53 ملین جبکہ قصور سرکل میں 17289 نا دہندگان سے 366.33 ملین کی ریکوری کی گئی۔ چیف ایگزیکٹو لیسکو کا کہنا ہے کہ نا دہندگان کے باعث ادارے کو نقصان کا سامنا ہے، ان کے خلاف کارروائی کا سلسلہ جاری رہے گا۔
