پنجاب یونیورسٹی آفیسرز ویلفیئرایسو سی ایشن کے زیر اہتمام سپورٹس فیسٹیول

لاہور پاکستان(نمائندہ وائس آف جرمنی):‌:پنجاب یونیورسٹی آفیسرز ویلفیئر ایسوسی ایشن کے زیر اہتمام ایڈمن بلاک گراؤنڈ میں سپورٹس فیسٹیول کا انعقاد کیا گیا جس میں اولڈ کیمپس زلمی کی ٹیم نے کنٹرولر کنگز کی ٹیم کو فائنل میں شکست دی۔ سپورٹس فیسٹیول میں مختلف شعبہ جات کے افسران پر مشتمل چار ٹیموں کے درمیان کرکٹ میچز کھیلے گئے جس میں رجسٹرار قلندر، آئی ٹی یونائیٹڈ، اولڈ کیمپس زلمی اور کنٹرولر کنگز نے حصہ لیا۔ اس موقع پر گفتگو کرتے ہوئے صدرپنجاب یونیورسٹی آفیسرز ویلفیئرز ایسو سی ایشن جلیل طارق نے کہا کہ یونیورسٹی کے افسران دن رات محنت کرتے ہیں اور کھیلوں کی سرگرمیوں کے انعقاد کا مقصد انہیں تفریح کے مواقع فراہم کرنا ہے۔ تقریب میں رجسٹرار محمد تسنیم کامران، کنٹرولر امتحانات محمد رؤف نواز اور دیگرافسران نے شرکت کی۔