صوبائی وزیر ٹرانسپورٹ ابراہیم حسن مراد کی ہدایت پر محکمہ ٹرانسپورٹ نےایکشن کا آغاز کردیا۔

لاہور پاکستان(نمائندہ وائس آف جرمنی): پنجاب حکومت نے چنگ چی رکشہ بند کروانے کا اصولی فیصلہ کرلیا۔ صوبائی وزیر ٹرانسپورٹ نے واضح کیا کہ چنگ چی رکشوں کو تیس دن کی وارننگ دی گئی اور اس کے بعد غیر قانونی موٹر سائیکل اور لورڈر رکشہ بنانے والوں کے خلاف کریک ڈاؤن شروع کر دیا گیا۔محکمہ ٹرانسپورٹ سے غیر منظور شدہ رکشوں کو پہلے بڑے شہروں میں بند کیا جائے گا۔ دوسرے مرحلہ میں چھوٹے شہروں اور دیہی علاقوں میں بند کیا جائے گا ۔صوبائی وزیر ٹرانسپورٹ نے واضح کیا ہے کہ چنگ چی رکشے کی آئندہ مینوفیکچرنگ پر پابندی ہو گی جبکہ چنگ چی رکشہ کی رجسٹریشن کے ساتھ ساتھ مینو فیکچرنگ کمپنیوں کو ریگولرائز کیا جائے گا۔