پنجاب سیف سٹیز اتھارٹی میں بہترین کارکردگی کا مظاہر ہ کرنیوالے افسران میں تقسیم انعامات کی تقریب

لاہو پاکستان(نمائندہ وائس آف جرمنی): پنجاب سیف سٹیز اتھارٹی میں بہترین کارکردگی کا مظاہر ہ کرنیوالے افسران کے لیے تقریب تقسیم انعامات منعقد ہوئی۔تقریب میں ایس پی محمد شفیق اور ڈی ایس پیز شریک ہوئے۔ عمدہ کارکردگی کے حامل مختلف شعبوں کے30قابل افسران میں انعامات تقسیم کیے گئے۔ پنجاب سیف سٹیز اتھارٹی کے مختلف شعبہ جات میں کام کرنے والے پولیس کمیونیکیشن آفیسرز جن میں آپریشن اینڈ مانیٹرنگ،الیکٹرانک ٹکٹنگ،میڈیا مینجمنٹ، ایمرجنسی کنٹرول سینٹر،ڈسپیچ کنٹرول،الیکٹرانک ڈیٹا انالیسز،ویڈیو کنٹرول سینٹرزاور ایمرجنسی پکار15کے بہتر ین آفیسرز کواسناد دی گئیں۔ اس موقع پرایس پی محمد شفیق کا کہنا تھا کہ پنجاب سیف سٹیز اتھارٹی کا تمام عملہ عوام کے تحفظ کے لیے ہمہ وقت کوشاں ہے۔ اسنادو انعامات کارکردگی کے نعم البدل نہیں مقصد افسران کی حوصلہ افزائی کرنا ہے۔