پاکستان لاہور میں لائسنس سینٹرز پر روزانہ کم از کم 10 ہزار سے زائد شہریوں کو مختلف سروسز فراہم کی جارہی ہیں، سی ٹی او لاہور

لاہور پاکستان(نمائندہ وائس آف جرمنی):‌شہریوں کی سہولت کے لیے لاہور کے تمام ڈرائیونگ لائسنسنگ سینٹرز اتوار کے روز بھی کھلے رہے، سی ٹی او لاہور کا کہنا تھا کہ لاہور پولیس عوامی سہولیات کی فراہمی میں پیش پیش ہے، ان کا کہنا تھا کہ لائسنس سینٹرز پر روزانہ کم از کم 10 ہزار سے زائد شہریوں کو مختلف سروسز فراہم کی جارہی ہیں، شہری جب مرضی لائسنس سروسز کےلئے تشریف لاسکتے ہیں، سی ٹی او لاہور کا کہنا تھا کہ گریٹر اقبال پارک سینٹر، ڈی ایچ اے، لبرٹی سینٹر، ارفع کریم سینٹر اور بحریہ ٹاؤن سینٹر بھی رات 12 بجے تک کےلئے کھلے ہیں۔ مناواں سینٹر، لبرٹی سینٹر 24/7 کھلے رہیں گے، مستنصر فیروز کا کہنا تھا کہ میرٹ اور عزت دارانہ طریقے سے لائسنس جاری کرنا اولین ترجیح ہے، لائسنسنگ میں ٹرانسپرنسی کو ہر صورت یقینی بنایا جارہا ہے.