’’رائیڈ فار چینج اور وویمن آن ویلز پروجیکٹ‘‘ خواتین کو بااختیار بنانے کےلئے احسن اقدام

سٹی ٹریفک پولیس لاہور نے ملٹی نیشنل کمپنی کے تعاون سے رائیڈ فار چینج پروگرام کا آغاز کردیا ہے اس سلسلہ میں سٹی ٹریفک پولیس کے ٹرینڈ انسٹرکٹرز کی زیر نگرانی لڑکیوں کو بائیک رائیڈ کورس کروایا جارہا ہے، لمز یونیورسٹی کے بعد یونیورسٹی آف سینٹرل پنجاب میں طالبات کو فری بائیک رائیڈ ٹریننگ کورس کروایا جارہا ہے، اس موقعہ پر لڑکیوں کو فری لرنر پرمٹ بھی جاری کئے جارہے ہیں، لمز یونیورسٹی میں 500 سے زائد لڑکیوں کو بائیک رائیڈ بارے بریفنگ دی گئی، وویمن آن ویل پروجیکٹ کے حوالے سے سی ٹی او لاہور مستنصر فیروز کا کہنا تھا کہ خواتین کو بااختیار اور باصلاحیت بنانے کےلئے”وومن آن ویلز پروجیکٹ” کے تحت سٹی ٹریفک پولیس موٹر سائیکل چلانے کی تربیت دے رہی ہے۔ اب تک 06 ہزار سے زائد خواتین کو موٹر سائیکل چلانے کی تربیت دی جا چکی ہے جبکہ وویمن آن ویلز سکول ایل او ایس ریسکیو اکیڈمی میں خواتین کی ٹریننگ کا 70 واں بیج زیر تربیت ہے، مستنصر فیروز کا مزید کہنا تھا کہ خواتین کو بااختیار اور خود مختار بنانے سے ترقی کی منزلیں طے کی جا سکتی ہیں، خواتین بااختیار ہونگی تومعاشرے میں واضح تبدیلی آئیگی ہے۔ انہوں نے کہاکہ وومن آن ویلز پروجیکٹ کامقصد خواتین کوزیادہ پراعتماد اور خود مختار بنانا ہے، معاشرتی اورسماجی ترقی کیلئے مردوں کے ساتھ ساتھ خواتین کاکرداربہت اہمیت کا حامل ہے۔علاوہ ازیں سٹی ٹریفک پولیس کا مناواں لائنز میں ڈرائیونگ سکولز بھی قائم ہے، خواتین کی کار،موٹر سائیکل چلانے کی تربیت دی جاتی ہے جبکہ کورس کے اختتام پر خواتین کو ڈرائیونگ لائسنس بھی جاری کئے جاتے ہیں۔ شہری ڈرائیونگ سکولز میں داخلہ کیلئے ہیلپ لائن15پر کال،راستہ ایپ اور سٹی ٹریفک پولیس کے سوشل میڈیا سے راہنمائی حاصل کر سکتے ہیں۔سی ٹی او لاہور کا کہنا تھا کہ ملکی ترقی کیلئے خواتین کا بااختیار ہونا بہت ضروری ہے۔