ٹی سی ایل نے مشہور انگلش کلب آرسنل کے ساتھ شراکت داری قائم کر لی

لاہور پاکستان(نمائندہ وائس آف جرمنی): دنیاکے نمبر 2 ایل ای ڈی ٹی وی برانڈٹی سی ایل نے دنیاکے مشہورانگلش فٹبال کلب آرسنل کے ساتھ شراکت داری کا اعلان کیا ہے۔ یہ تعاون برطانیہ، مشرق وسطیٰ اور افریقہ میں آرسنل کے حامیوں کو مزید دلچسپی کے مواقع فراہم کرے گا۔اس کے ساتھ ساتھ کھیلوںکوفروغ دینے کیلئے ٹی سی ایل آرسنل کے آفیشل ریجنل کنزیومر الیکٹرانکس پارٹنرکے طور پربھی سامنے آیا ہے۔
ٹی سی ایل آرسنل کلب کو اپنی پروڈکٹ رینج بشمول TVs او دیگر گھریلو آلات بھی فراہم کرے گا۔علاوہ ازیں ٹی سی ایل اس شراکت داری میں اپنے صارفین کو ایمریٹس اسٹیڈیم میں براہ راست میچ دیکھنے کے ساتھ ساتھ موجودہ کھلاڑیوں اور لیجنڈسے ملنے اور ان کا استقبال کرنے کا موقع بھی فراہم کرے گا۔
شراکت داری پر بات کرتے ہوئے ٹی سی ایل کے مشرق وسطیٰ اور افریقہ کے جنرل مینیجر سنی یانگ نے کہاکہ ”ہمیں آرسنل فٹ بال کلب کے ساتھ شراکت کرنے پر بہت خوشی ہے کیونکہ آرسنل دنیا کےپسندیدہ ترین فٹ بال کلبوں میں سے ایک ہے۔یہ شراکت داری ہمیں اپنی جدید اور اعلیٰ معیار کی مصنوعات کو مشرق وسطیٰ، افریقہ اور برطانیہ میں فٹ بال شائقین تک پہنچانے میں مدد دے گی” ۔
اس بارے میں بات کرتے ہوئے آرسنل کے چیف کمرشل آفیسر جولیٹ سلاٹ نے کہاکہ”ہمیں اپنے پارٹنرز کےطور پر ٹی سی ایلکا خیرمقدم کرتے ہوئے خوشی ہو رہی ہے۔ یہ شراکت داری آرسنل اور ٹی سی ایل دونوں کے لیے مشرق وسطیٰ، افریقہ اور برطانیہ میں اپنے حامیوں کے ساتھ مشغول ہونے کا موقع فراہم کرتی ہے اور ہم خطے بھر میں اپنے مداحوں کو دیکھنے کا بہترین تجربہ فراہم کرنے کے لیے ٹی سی ایل کے ساتھ مل کر کام کرنے کے منتظر ہیں”۔
ٹی سی ایل اس بات کو تسلیم کرتا ہے کہ ٹی -وی میں دنیا بھر کے لوگوں کو جوڑنے اور ان کی دلچسپی بڑھانے کی منفرد صلاحیت ہوتی ہے اور ٹی سی ایل اپنی جدید ترین ٹی وی ٹیکنالوجی سے دنیا بھر کے لاکھوں ناظرین کوشانداراور کلیئر98انچ کی XL اسکرینز فراہم کر رہا ہے جس کے ذریعے سے ٹی سی ایل صارفین اپنے پسندیدہ پروگرامات اور میچز سے محظوظ ہو سکتے ہیں ۔