چیئرمین پی سی بی محسن نقوی سےنیوزی لینڈ کے سکیورٹی وفد کی ملاقات

لاہور پاکستان(نمائندہ وائس آف جرمنی): ملاقات میں کیوی کرکٹ ٹیم کے دورہ پاکستان اور سیکورٹی پلان کےحوالے سے تبادلۂ خیال کیا گیا۔چیئرمین پی سی بی محسن نقوی نے کیوی وفد کو فول پروف سکیورٹی انتظامات کی یقین دہانی کرائی ۔ چیئرمین پی سی بی نے کہا کہ نیوزی لینڈ کرکٹ ٹیم کے کھلاڑی پاکستان کے مہمان ہیں ان کے لئے بہترین سکیورٹی انتظامات کئے جائیں گے۔ کیوی وفد نے راولپنڈی کرکٹ سٹیڈیم کا دورہ کیا اور سکیورٹی انتظامات پر اطمینان کا اظہار کیا۔سکیورٹی وفد میں نیوزی لینڈ پلیئرز ایسوسی ایشن کے چیف ایگزیکٹو آفیسر ہیتھ ملز اور سکیورٹی کنسلٹنٹ ریگ ڈکاسن شامل تھے ۔ پی سی بی کے چیف آپریٹنگ آفیسر سلمان نصیر، ڈائریکٹر سیکیورٹی ڈیپارٹمنٹ کرنل خالد اور ڈائریکٹر انٹرنیشنل پاکستان کرکٹ بورڈ عثمان واہلہ بھی اس موقع پر موجود تھے۔