بغیر لائسنس ڈرائیونگ پر کریک ڈاؤن/ مہم کے دوسرے ہفتے بغیر لائسنس 23 ہزار ڈرائیورز کو جرمانہ

لاہور پاکستان(نمائندہ وائس آف جرمنی):‌سی ٹی او لاہور کیپٹن(ر)مستنصر فیروز کے حکم پر حادثات کی روک تھام اور محفوظ سفر کے پیش نظر بغیر لائسنس گاڑی، موٹرسائیکل چلانے والوں کےخلاف بھرپور کریک ڈاؤن کیا جارہا ہے، مہم کے پہلے ہفتے بغیر لائسنس گاڑی، موٹرسائیکل چلانے کےخلاف کریک ڈاؤن 23 ہزار چالان ٹکٹس جاری کئے گئے جبکہ لرنر پرمٹ رکھنے والے 63 ہزار سے زائد شہریوں کو وارننگ دی گئی، زائد العمیاد لائسنس پر ڈرائیونگ کرنے 15 ہزار سے زائد شہریوں کو وارننگ دی گئی، ایل ٹی وی لائسنس پر پبلک سروس وہیکلز چلانے پر 02 ہزار سے زائد ڈرائیورز کےخلاف بھی کارروائی کی گئی، ایل ٹی وی لائسنس پر ہیوی وہیکل، ٹرالر چلانے پر بھی 786 ڈرائیورز کےخلاف کارروائی کی گئی، کریک ڈاؤن کے دوران شہر بھر کے مختلف لائسنس مراکز سے 50 ہزار سے زائد شہریوں کو سروسز فراہم کیں گئیں، مستنصر فیروز کا کہنا تھا کہ ڈرائیور کے پاس ویلڈ ڈرائیونگ لائسنس ہونا بے حد ضروری ہے، ان کا کہنا تھا کہ بغیر لائسنس گاڑی چلانے پر 02 ہزار روپے جرمانہ کیا جارہا ہے، لرنر پرمٹ رکھنے والے شہری گاڑی کی اگلی، پچھلی سکرینز پر "L” سائن چسپاں کریں، شہری صرف اور صرف شناختی کارڈ کے ہمراہ لائسنس دفاتر تشریف لائیں، شہری لائسنس سروسز سے زیادہ سے زیادہ استفادہ حاصل کریں، سی ٹی او لاہور کا کہنا تھا کہ میرٹ اور عزت دارانہ طریقہ سے لائسنس کی فراہمی اولین ترجیح ہے، ڈرائیور کے پاس لائسنس کا ہونا، خود اعتماد ڈرائیونگ کی علامت ہے،