وزیراعلی پنجاب محسن نقوی ہدایات پر حادثات کے سدباب کےلئے جنرل ہولڈ اپ

لاہور پاکستان(نمائندہ وائس آف جرمنی):‌وزیراعلی پنجاب محسن نقوی ہدایات پر ٹریفک حادثات کے سدباب کے پیش نظر جنرل ہولڈ اپ کیا گیا، اس سلسلہ میں شہر کے 94 مختلف مقامات پر ٹریفک پولیس ڈولفن، پیرو کی مشترکہ کارروائی عمل میں لائی گئی، ٹریفک پولیس کی طرف سے لین لائن، سٹاپ لائن، ون وے ٹریفک، بغیر لائسنس، کم عمر ڈرائیورز کےخلاف کارروائیاں دیکھنے میں آئیں، مال روڈ، جیل روڈ، فیروز پور روڈ، کینال روڈ سمیت اہم شاہراہوں پر اضافی نفری تعینات کیں گئیں، اس سلسلہ میں مختلف چوکوں میں کونز لگاتے ہوئے آگاہی و وارننگ کا سلسلہ جاری رہا، سی ٹی او لاہور کا اس ضمن میں کہنا تھا کہ حادثات سے محفوظ رہنا ہے تو لین لائن ڈسپلن کو فالو کرنا ہوگا،ہمیں سڑکوں پر بھی حقوق العباد پر عمل کرنا چاہیے، مستنصر فیروز کا مزید کہا تھا کہ غلط لین میں سفر کرنا، ون وے کی خلاف ورزی حادثات کا باعث بنتی ہیں،منعظم ٹریفک کے حصول کیلئے قوانین پر سختی سے عملدرآمد کروایا جائے گا، مہذب معاشرے کا اندازہ وہاں کے ٹریفک سسٹم سے لگایا جاسکتا ہے.