لائیو: پاکستان کی سیا سی صورت حال پر ایک نظر

سلسلۂ انتقام اس سطح تک پہنچ چکا ہے کہ مثال نہیں ملتی، عمران خان

 سابق وزیراعظم عمران خان نے صوبہ خیبر پختونخوا میں تحریک انصاف کے سینئر رہنماؤں کی رہائشگاہوں پر  چھاپوں کی مذمت کرتے ہوئے کہا کہ پولیس غیرقانونی طور پر ان کے گھروں مییں داخل ہوئی، اور شاہ فرمان اور ان کے بھائی کے گھر سے 3 جبکہ اسد قیصر اور شہرام ترکئی کے گھروں سے دو، دو گاڑیاں لے گئی۔

 عمران خان نے کہا کہ ‏سلسلۂ انتقام اس سطح تک پہنچ چکا ہے کہ جس کی پاکستان میں کسی بدترین دورِ آمریّت سے بھی کوئی نظیر نہیں ملتی۔

‏انہوں نے کہا کہ واقعتاً کچھ حاصل ہورہا ہے تو وہ فسطائی سرکار کیخلاف عوام میں پائی جانے والی نفرت اور مخاصمانہ جذبات میں شدّت ہے جبکہ تحریک انصاف کے حوالے سے تو ہمدردیاں بڑھ رہی ہیں اور اس کے ووٹ بنک میں مسلسل اضافہ ہورہا ہے۔

لاہور ہائی کورٹ کا 9 مئی کے ملزمان کی شناخت پریڈ 48 گھنٹوں میں مکمل کرنے کا حکم