وزیراعلیٰ گلگت بلتستان کا ممبران اسمبلی کی تنخواہوں میں اضافے کا بل واپس لینے کا اعلان

اپنے ایک بیان میں وزیراعلیٰ خالد خورشید کا کہنا ہے کہ مالی وسائل اور مشکل معاشی صورتحال میں اراکین اسمبلی کی تنخواہوں و مراعات میں اضافے کے متحمل نہیں ہوسکتے۔
اسلام ٹائمز۔ گلگت بلتستان کے وزیراعلیٰ خالد خورشید نے ممبران اسمبلی کی تنخواہوں و مراعات میں اضافے کا بل واپس لینے کا اعلان کر دیا۔ حکومتی ترجمان کے مطابق گلگت بلتستان اسمبلی کے رواں اجلاس میں اراکین اسمبلی کی تنخواہوں و مراعات میں اضافے کا بل Reverse کر دیا جائیگا۔ ادھر اپنے ایک بیان میں وزیراعلیٰ خالد خورشید کا کہنا ہے کہ مالی وسائل اور مشکل معاشی صورتحال میں اراکین اسمبلی کی تنخواہوں و مراعات میں اضافے کے متحمل نہیں ہوسکتے۔ لہذا حکومت اسمبلی اجلاس سے متفقہ طور پر منظور ہونے والے ممبران اسمبلی کی تنخواہوں و مراعات میں اضافے کے بل کو reverse کر دیگی۔ خالد خورشید نے مزید کہا کہ موجودہ محدود وسائل ترجیحی طور پر عوام کی فلاح و بہبود کے لئے صرف ہونگے۔