ایشیا کپ، بھارت کی پاکستان کے ساتھ ایک اور ناانصافی

ایشیا کپ کے شیڈول سے متعلق بھارت کی پاکستان کے ساتھ ایک اور ناانصافی سامنے آگئی۔
ایشین کرکٹ کونسل (اے سی سی) کے صدر جے شاہ نے پی سی بی مینجمنٹ کمیٹی کے چیئرمین ذکا اشرف سے پہلے ایشیا کپ کا شیڈول ٹوئٹر پر جاری کردیا۔
پاکستان کرکٹ بورڈ کی جانب سے ایشیا کپ کے شیڈول کا اعلان کرنا تھا۔
شیڈول کے مطابق ایشیا کپ کا آغاز 30 اگست سے ملتان میں پاکستان اور نیپال کے میچ سے ہوگا، پاکستان اور بھارت کے درمیان میچ 2 ستمبر کو کینڈی میں کھیلا جائے گا۔
پاکستان کے چار میچز کی میزبانی لاہور اور ملتان اسٹیڈیم کریں گے، دو میچز لاہور اور دو ملتان اسٹیڈیم میں کھیلے جائیں گے۔ جبکہ بقیہ میچز سری لنکا میں کھیلے جائیں گے۔
سپر فور مرحلے کے پانچ میچز کولمبو اور ایک میچ لاہور میں ہوگا جبکہ فائنل بھی کولمبو میں کھیلا جائے گا۔