چوہنگ ٹریننگ سینٹر میں زیر تربیت پولیس افسران کا پنجاب سیف سٹیز اتھارٹی کا دورہ

لاہور پاکستان(نمائندہ وائس آف جرمنی):‌چوہنگ ٹریننگ سینٹر میں زیر تربیت پولیس افسران کے وفدنے پنجاب سیف سٹیز اتھارٹی کا دورہ کیا۔ پروموشن کورس کے 40 رکنی وفد کو سیف سٹیز افسران نے اتھارٹی کی ورکنگ بارے بریفنگ دی۔اس موقع پر وفد کو آپریشنز اینڈ مانیٹرنگ سینٹر، 15 ایمرجنسی ہیلپ سینٹر، کال ڈسپیچ کنٹرول سینٹر کا دورہ کروایا گیا۔وفد کوایڈوانس ٹریفک مینجمنٹ سسٹم، میڈیا مانیٹرنگ اور ای چلاننگ کے نظام بارے بتایا گیا۔جدید انفراسٹرکچر سے آگاہی کیلئے سیف سٹیز کا دورہ سکیورٹی اداروں کے تربیتی کورسز کا لازمی جزو ہے۔وفد کو بتایا کہ پنجاب سیف سٹیز اتھارٹی الیکٹرانک ڈیٹا اینالسز سینٹر 20 ہزار سے زائد کیسز میں ڈیجٹیل شواہد فراہم کر چکی ہے۔اس موقع پر وفد میں شریک پولیس افسران نے خیالات کا اظہار کرتے ہوئے کہا کہ سیف سٹی کیمرے پولیس آپریشنز اور انویسٹی گیشن میں بھرپور معاونت فراہم کررہے ہیں۔قانون نافذ کرنے والے اداروں کی راہنمائی کیلئے منصوبہ نہایت اہم ہے۔جرائم کی سرکوبی کیلئے سیف سٹیز منصوبے کا دائرہ کار پنجاب بھر تک پھیلانا ہوگا۔