وزیر اعلیٰ محسن نقوی کا اسفالٹ پلانٹ کا دورہ، اسفالٹ پلانٹ کے دھواں کو کنٹرول کرنے اور ورکرز کی سکیورٹی یقینی بنانے کی ہدایت

لاہور پاکستان(نمائندہ وائس آف جرمنی):‌نگران وزیراعلی پنجاب محسن نقوی کی ہدایت پر 5سال سے بند ایل ڈی اے اسفالٹ پلانٹ فنکشنل کر دیاگیا۔وزیر اعلیٰ محسن نقوی نے شاہکام ڈیفنس روڈ پر واقع اسفالٹ پلانٹ کا دورہ کیا۔ انہوں نے کنٹرول روم کا معائنہ کر کے ورکنگ کا جائزہ لیا۔وزیر اعلیٰ محسن نقوی نے اسفالٹ پلانٹ کے دھواں کو کنٹرول کرنے اور کام کرنے والے ورکرز کی سکیورٹی یقینی بنانے کی ہدایت کی۔ڈی جی ایل ڈی اے نے پلانٹ پراجیکٹ پر بریفنگ دیتے ہوئے بتایا کہ ایل ڈی اے شہر کی سڑکوں کی مرمت اور پیچ ورک خود کریگا۔اسفالٹ پلانٹ 2018 سے بند تھا، وزیراعلی کی خصوصی ہدایت دوبارہ قابل استعمال بنا دیا گیا۔ اسفالٹ پلانٹ کے فنکشنل ہونے سے ایل ڈی اے لاہور کی سڑکوں کی بحالی و مرمت کا کام سر انجام دے گا۔ اسفالٹ پلانٹ کے تمام انتظامی امور ٹیپا، ایل ڈی اے سرانجام دے گا۔ سڑکوں کی مرمت و بحالی کے لیے ٹیپا ایل ڈی اے میں ایم اینڈ آر سیکشن قائم کردیا گیا۔چیف سیکرٹری، کمشنر،ڈپٹی کمشنر، سی سی پی او اور دیگر بھی موجود تھے۔