ایشیاء کپ کیلیئے لاہور ٹریفک پولیس نے ٹریفک انتظامات کو حتمی شکل دینا شروع کردی
03 ایس پیز، 10 ڈی ایس پیز،110 ٹریفک انسپکٹٹرز اور 02 ہزار وارڈنز، ٹریفک اسسٹنٹس ائیرپورٹ، ہوٹل، اسٹیڈیم اور ڈائیورشن پوائنٹس پر فرائض سرانجام دیں گیں، سی ٹی او لاہور مال روڈ، جیل روڈ، کینال روڈ، فیروزپور روڈ اور مین بلیوارڈ روڈ گلبرگ پر میچوں کے دوران، ٹیموں کی آمد و روانگی کے علاوہ ٹریفک معمول کے مطابق چلتی رہے گی، ٹیموں کی آمد و روانگی پر روڈز کو کم سے کم وقت کےلئے بند کیا جائے گا، سی ٹی او لاہور
لاہور پاکستان(نمائندہ وائس آف جرمنی): لاہور ٹریفک پولیس نے ایشیاء کپ کے تین ون ڈے میچوں کےلئے ٹریفک کے فول پروف انتظامات کرنا شروع کردئیے ہیں، کل دوپہر افغانستان کی ٹیم لاہور ائیرپورٹ پر پہنچ چکی ہے، سی ٹی او لاہور کیپٹن(ر)مستنصر فیروز نے لیڈ کرتے ہوئے ٹیم کو ہوٹل تک پہنچایا، ایشیا کپ کا پہلا میچ 03 ستمبر، دوسرا 5 ستمبر جبکہ تیسرا اور آخری میچ 06 ستمبر کو قذافی اسٹیڈیم میں کھیلا جائے گا، تینوں میچز کیلئے ٹریفک پولیس نے فول پروف انتظامات کرنا شروع کردئیے ہیں، سی ٹی او لاہور کا کہنا تھا کہ مجموعی طور پر ایس پی صدر ملک اکرام اللہ، ایس پی سٹی شہزاد خان اور ایس پی ہیڈکوارٹرز سہیل فاضل کی زیرنگرانی 10 ڈی ایس پیز، 110 ٹریفک انسپکٹرز اور 02 ہزار سے زائد ٹریفک اہلکار ہوٹل، ائیرپورٹ، قذافی اسٹیڈیم اور پارکنگ پوائنٹس پر ڈیوٹی سرانجام دیں گے، رانگ پارکنگ کے خاتمے کیلئے 20 فورک لفٹرز، 03 بریک ڈاؤنز بھی تعینات ہیں، سی ٹی او لاہور کا کہنا تھا کہ شائقین کرکٹ گورنمنٹ کالج گلبرگ، لبرٹی پارکنگ اور ایل ڈی اے پلازہ میں گاڑیاں پارک کرسکیں گے، ہوٹل سے قذافی اسٹیڈیم اور اسٹیڈیم سے ہوٹل تک ٹریفک کے فول پروف انتظامات کئے گئے ہیں، ٹیموں کی آمد و روانگی پر روڈز کو کم سے کم وقت کےلئے بند کیا جائے گا، کیپٹن(ر) مستنصر فیروز کا کہنا تھا کہ موومنٹ گزرتے ہی تمام ڈائیورشن کو ٹریفک کےلئے کھول دیا جائےگا،کسی بھی روڈ کو مستقل طور پر بند نہیں رکھا جائے گا،مال روڈ، جیل روڈ، کینال روڈ، فیروزپور روڈ، مین بلیوارڈ گلبرگ روڈ پر ٹریفک معمول کے مطابق رواں دواں ہوگی، مستنصر فیروز کا کہنا تھا کہ ٹریفک پلان کے مطابق مال روڈ، جیل روڈ کینال روڈ سے آنے والے شائقین کرکٹ فیروزپور روڈ سے گیٹ گورنمنٹ کالج فار بوائز میں پارکنگ کرسکتے ہیں، ٹھوکر نیاز بیگ سے آنے والے شائقین کرکٹ کیمپس پل برکت مارکیٹ، کلمہ انڈرپاس سے گورنمنٹ کالج فار بوائز میں پارکنگ کرسکیں گے، کینٹ، ڈیفنس، کیولری سے آنے والے شائقین کرکٹ فردوس مارکیٹ سے حسین چوک، لبرٹی پارکنگ اور سن فورٹ ہوٹل پارکنگ میں پارک کرسکتے ہیں، قصور، کاہنہ ماڈلٹاؤن سے آنے والے شائقین کرکٹ فیروزپور مین گیٹ اور سینٹرل پارک کے ساتھ ساتھ گورنمنٹ کالج میں پارکنگ کرسکیں گے، علاوہ ازیں پیدل آنے والے شائقین کرکٹ فیفا گیٹ، لبرٹی اور گورنمنٹ کالج سے اسٹیڈیم میں داخل ہوسکیں گے، سی ٹی او لاہور کا کہنا تھا کہ شہریوں اور شائقین کرکٹ کو ٹریفک کا کوئی مسئلہ نہیں ہوگا، راستہ ایپ،راستہ ایف ایم 88.6 کے ذریعے شہریوں کو آگاہ رکھا جائیگا.
