’ہوسکتا ہے دسمبر میں بھی الیکشن ہوجائیں‘

پیپلزپارٹی کے سینئر رہنما خورشید شاہ نے کہا ہے کہ الیکشن ضرور ہوں گے اور جنوری اور فروری کے درمیان ہوں گے ہوسکتا ہے دسمبر میں بھی الیکشن ہوجائیں۔
ایک بیان میں پی پی رہنما نے کہا کہ دنیا جمہوریت کا دن منارہی تھی اور ہم آمر کے قانون کو بحال کر رہے تھے تاریخ سبق سکھانے کےلئے ہوتی ہے میثاق جمہوریت کوکریڈٹ جاتاہےآج کوئی الیکشن سےبھاگ نہیں سکتا۔
خورشیدشاہ نے کہا کہ 40 سال اس ملک میں بدقسمتی سے مارشل لا رہا ہم نے کبھی جمہوریت سے منہ نہیں موڑا، ماضی میں سیاسی جماعتوں نے میثاق جمہوریت سے راستہ لے کر منزل حاصل کی پیپلزپارٹی نےجمہوریت کیلئے مشکل ترین حالات کامقابلہ کیا ہم مشکل حالات میں عوام کو اکیلا چھوڑ کرکہیں نہیں گئے عوام کے مینڈیٹ کا احترام کرنا چاہئے ملک کا ماحول الیکشن کیلئے سازگار ہے۔
الیکشن کمیشن نے سیاسی جماعتوں کے لیے مجوزہ ضابطہ اخلاق جاری کردیا
ان کا کہنا تھا کہ سیاسی جماعتوں کو لیول پلیئنگ فیلڈ دینا ہو گی مسلم لیگ ن کی حکومت ہے اور مطالبہ انہی سے کیا جائے گا ن لیگ کے ٹاپ لیول کے لوگ نگران وفاقی کابینہ کا حصہ ہیں, توقیر شاہ سےلیکر فوادحسن فواد،احدچیمہ کابینہ میں شامل ہیں مسلم لیگ ن کے5لوگ نگران کابینہ میں ہیں جو حکومت میں ہو گا ان سے ہی شکایت کریں گے۔
توقیر شاہ سےلیکر فوادحسن فواد،احدچیمہ کابینہ میں شامل ہیں مسلم لیگ ن کے5لوگ نگران کابینہ میں ہیں
پی پی رہنما نے کہا کہ بیوروکریسی میں سندھ سےلوگ ہٹائےگئےپنجاب سےنہیں ہٹائے گئے پنجاب میں ترقیاتی پروگرام چل رہے ہیں سندھ میں بند کر دیے نگران حکومت کا کام جاری ترقیاتی اسکیمیں بند کرانا نہیں ہے۔