محدود وسائل کے باوجود ایشین گیمز فائل تک رسائی خوش آئند ہے، سید عارف حسن
فائنل میں جیت کے قریب پہنچ کر ہارنے کا دکھ ضرور ہے تاہم یقین ہے کہ آپ لوگ غطلیوں سے سبق سیکھ کر مستقبل میں مزید بہترپرفارمنس دیں گے
لاہور پاکستان(نمائندہ وائس آف جرمنی):پاکستان اولمپک ایسوسی ایشن کی طرف سے ہانگزو ایشین گیمز میں سلور میڈل جیتنے والی قومی سکواش ٹیم کے اعزاز میں تقریب ہوئی، جس میں ا نہیں نقد انعامات سے نوازا گیا۔ ہانگزوایشین گیمز کے این او سی آفس میں ہونے والی تقریب کے مہمان خصوصی پاکستان اولمپک ایسوسی ایشن کے صدر سید عارف حسن تھے جنہوں نےسکواش کے سلور میڈلسٹ ناصر اقبال،عاصم خان، نور زمان اور فرحان زمان کی فائنل تک رسائی پر مبارکباد دی۔۔سید عارف حسن کا کہنا تھا کہ محدود وسائل کے باوجود ایشین گیمز فائل تک رسائی خوش آئند ہے، فائنل میں جیت کے قریب پہنچ کر ہارنے کا دکھ ضرور ہے تاہم یقین ہے کہ آپ لوگ غطلیوں سے سبق سیکھ کر مستقبل میں مزید بہترپرفارمنس دیں گے۔ اس موقع پر سیکرٹری پاکستان اولمپک ایسوسی ایشن خالد محمود، چیف ڈی مشن منیر احمد، سیکرٹری پاکستان دستہ پرویز احمد،ڈاکٹر اسد عباس بھی موجود تھے۔آخر میں پی او اے صدر سید عارف حسن نے نوجوان کھلاڑیوں کی حوصلہ افزائی کے لیے نقد انعامات سے ان کی حوصلہ افزائی کی۔
