پشاور زلمی کے 202 رنز کے تعاقب میں اسلام آباد کی بیٹنگ جاری
پاکستان سپر لیگ کے 13ویں میچ میں آج لاہور کے قذافی سٹیڈیم میں پشاور زلمی اور اسلام آباد یونائیٹڈ کی ٹیمیں مدمقابل ہیں۔
اسلام آباد یونائیٹڈ نے ٹاس جیت کر فیلڈنگ کا فیصلہ کیا تو پشاور زلمی نے مقررہ 20 اورز میں پانچ وکٹوں کے نقصان پر202 رنز کا ہدف قائم کیا۔اس وقت ہدف کے تعاقب میں اسلام آباد یونائیٹڈ کی بیٹنگ جاری ہے۔ اب سے کچھ دیر پہلے تک اسلام آباد یونائیٹڈ نے دو اوورز میں بغیر کسی نقصان کے 13رنز بنائے ہیں۔کولن منرو اور جارڈن کاکس وکٹ پر موجود ہیں۔
پشاورزلمی کی اننگز
پشاور زلمی کے اوپنرز نے ٹیم کو اچھا آغاز فراہم کیا۔ کپتان بابراعظم نے اوپنگ کی اور 63 گیندوں پر111 رنز کی ناقابل شکست اننگز کھیلی اور ناٹ آوٹ رہے۔
زلمی کو پہلا نقصان صائم ایوب کی صورت میں ہوا جو 38 رنز بنا کر آغا سلمان کی گیند پر آؤٹ ہوئے۔ اس وقت ٹیم کا مجموعی سکور 77 رنز تھا۔
زلمی کی دوسری اور تیسری وکٹ جلد ہی اس وقت گر گئی جب محمد حارث اور حسیب اللہ خان بالترتیب صفر اور دو رنز بنا کر پویلین لوٹ گئے۔ پاؤل ولٹر 19، رؤمن پاؤل آٹھ رنز بنا کر آؤٹ ہوئے۔
اسلام آباد یونائیٹڈ کی طرف سے شاداب خان دو جبکہ نسیم شاہ اور سلمان آغا ایک ایک وکٹ حاصل کرنے میں کامیاب رہے ہیں۔
قبل ازیں اسلام آباد یونائیٹڈ نے ٹاس جیت کر پشاور زلمی کو بیٹنگ کی دعوت دی تھی۔
دونوں ٹیمیں پی ایس ایل کے رواں سیزن میں پہلی مرتبہ آمنے سامنے ہیں۔
رواں سیزن میں پشاور زلمی چار جبکہ اسلام آباد یونائیٹڈ تین میچز کھیل چکی ہے۔
اسلام آباد یونائیٹڈ کے کپتان شاداب خان ہیں جب کہ بابر اعظم پشاور زلمی کی قیادت کر رہے ہیں۔
پشاور زلمی کو کوئٹہ گلیڈی ایٹرز اور کراچی کنگز کے خلاف کھیلے گئے میچز میں شکست کا سامنا رہا جبکہ لاہور قلندرز اورملتان سلطانز کو شکست دینے میں کامیاب ہوئی ہے۔
یوں پوائنٹس ٹیبل پر پشاور زلمی چار پوائنٹس کے ساتھ چوتھے نمبر پر ہے۔
تاہم اسلام آباد یونائیٹڈ نے لاہور قلندرز نے لاہور قلندر کو ہرایا ہے جبکہ ملتان سلطانز اور کوئٹہ گلیڈی ایٹرز کے ساتھ کھیلے گئے مقابلوں میں شکست یونائیٹڈ کا مقدر ٹھری ہے۔
پوائنٹس ٹیبل پر دو پوائنٹس کے ساتھ اسلام آباد یونائیٹڈ پانچویں نمبر پر ہے۔
اسلام آباد یونائیٹڈ کا سکواڈ
حیدرعلی، کولن منرو، سلمان علی آغا، شاداب خان(کپتان)، اعظم خان، جورڈن کوکس، عماد وسیم، فہیم اشرف، نسیم شاہ، حنین شاہ، ٹائمل ملز
پشاور زلمی کا سکواڈ
صائم ایوب، بابر اعظم(کپتان)، محمد حارث، حسیب اللہ خان، رؤمن پاؤل، آصف علی، پاؤل ولٹر، لُوک وُڈ، نوین الحق، عارف یعقوب، سلمان ارشاد
