لاہور پولیس اور پنجاب سیف سٹیز اتھارٹی کا انسداد سموگ کے حوالے سے مشترکہ آپریشن

لاہور پاکستان(نمائندہ وائس آف جرمنی):‌لاہور پولیس اور پنجاب سیف سٹیز اتھارٹی نے انسداد سموگ کے حوالے سے مشترکہ آپریشن کرتے ہوئے ماحولیاتی آلودگی کا باعث بننے والی گاڑیوں کے خلاف سخت کارروائی کا آغازکردیا۔ اس حوالے سے سموگ کا باعث بننے والی گاڑیوں خلاف آپریشن کی نگرانی ایس ایس پی آپریشنز لاہور علی رضا نے سیف سٹی کیمروں کے ذریعے کی۔ایس ایس پی آپریشنزعلی رضاکا کہنا تھاکہ شہر کے داخلی و خارجی راستوں،مصروف اوراہم شاہراؤں پر کیمروں کے ذریعے مانیٹرنگ کی جارہی ہے۔سیف سٹی کیمروں کی نشاندہی پر فیلڈ فورس سے دھواں چھوڑنے والی گاڑیوں کو پکڑوایا جارہا ہے۔وزیراعلیٰ پنجاب کی خصوصی ہدایت پر انسداد سموگ کی خلاف ورزی کرنے والوں کیخلاف کریک ڈاؤن کیا جارہا ہے۔شاہراؤں پر دھول، مٹی، ریت اور دیگر گندگی پھیلانے والی گاڑیوں کے خلاف بھی کارروائی عمل میں لائی جار ہی ہے۔
ریت، مٹی او دھواں چھوڑتی گاڑیاں ماحولیاتی آلودگی کا باعث بن رہی ہیں۔ماحولیاتی آلودگی اور سموگ کے خاتمے کیلئے موثر کارروائیاں جاری رہی گی۔