پارکوں کو خوبصورت بنانے کیساتھ شہریوں کو بہترین سہولیات کی فراہمی کیلئے اقدامات کیے جارہے ہیں۔ ڈی جی پی ایچ اے محمد طاہر وٹو

لاہور پاکستان(نمائندہ وائس آف جرمنی):‌ڈی جی پی ایچ اے محمد طاہر وٹو نے شہر کے مختلف زونز اور علاقے مال روڈ، مین بلیو وارڈ گلبرگ، نور جہاں روڈ، حسین چوک، ایم ایم عالم روڈ، کلمہ چوک، فیصل ٹاؤن، شبیر عثمان روڈ،شوک چوک، جوہر ٹاؤن، خیابان فردوسی روڈ، شادیوال نرسری، نیو کمپیس روڈ، مولانا شوکت علی روڈ، قریشی پارک گلبرگ اور فیزور روڈ کا دورہ کیا۔ ڈی جی پی ایچ ا ے نے گرین بلیٹس پر بہار شجرکاری مہم کے تحت نیو پلانٹیشن کرنے کے لگانے،مال روڈ اور لبرٹی چوک پر مین فواروں کو فعال کرنے،ٹاؤن ہال چوک مال روڈ کو پھولوں سے مزیدمزین کرنے اور خوبصورت بنانے، قریشی پارک گلبرگ میں ہارٹیکلچراور سول ورک کو جلد مکمل کرنے کے احکامات جاری کیے اورکلمہ انڈر پاس میں ہارٹی کلچر کے کام کا تفصیلی جائزہ لیا۔ اس حوالے سے ڈی جی پی ایچ اے محمد طاہر وٹو نے بریفنگ دیتے کہا کہ پی ایچ اے بہار شجرکاری میں شہرکی مین شاہراؤں، گرین بلیٹس کو مزید خوبصورت بنارہا ہے۔ شہر کی مین شاہراؤں پرصفائی ستھرائی اور پیچ ورک کو مزید بہتر بنانے کیلئے کام جاری ہے۔ پارکوں کو خوبصورت بنانے کیساتھ شہریوں کو بہترین سہولیات کی فراہمی کیلئے اقدامات کیے جارہے ہیں۔ انہوں نے مزید کہا کہ گرین بلیٹس کی صفائی ستھرائی اور ہارٹی کلچر کے کام میں کسی قسم کی کوتاہی کو برداشت نہیں کیا جائے گا۔