لیسکو ریجن میں بجلی چوروں کیخلاف آپریشن جاری 77 روز میں 13304بجلی چور گرفتار۔ترجمان لیسکو
بجلی چوروں کیخلاف کئے جانے والے آپریشن میں بڑے کمرشل صارفین بھی بجلی چوری میں ملوث پائی گئے
لاہور پاکستان(نمائندہ وائس آف جرمنی): وزارت توانائی پاور ڈویڑن کی ہدایت کے مطابق چیف ایگزیکٹو لیسکو انجینئر شاہد حیدر کی زیر نگرانی بجلی چوروں کیخلاف آپریشن جاری ہیں۔77 روز میں 30000ملزمان بجلی چوری میں ملوث پائے گئے۔ ترجمان لیسکو کی جانب سے جاری کردہ اعلامیہ کے مطابق 77 روز سے جاری انسداد بجلی چوری مہم کے دوران اب تک 13304ملزمان کو گرفتار کیا گیا، مجموعی طور 29630 کنکشن کیخلاف ایف آئی آر کی درخواستیں جمع کروائی گئیں جن میں سے28596درخواستیں رجسٹرڈ ہو چکی ہیں۔بجلی چوروں کو اب تک 52,428,648 (پانچ کروڑ چوبیس لاکھ اٹھائیس ہزار چھے سو اڑتالیس) یونٹس چارج کئے گئے ہیں جن کی مالیت 2,101,562,523 (دو ار ب دس کروڑ پندرہ لاکھ باسٹھ ہزار پانچ سو باتئیس روپے) ہے۔
بجلی چوروں کیخلاف کئے جانے والے آپریشن میں بڑے کمرشل صارفین بھی بجلی چوری میں ملوث پائی گئے۔ ان تمام کے کنکشنز بھی منقطع کئے گئے اور ان کو ڈٹیکشن یونٹس چارج کئے گئے۔راوی ریان کے علاقے میں کنکشن کو2960یونٹس (216,800) روپے،یوسف پارک شاہدرہ کے علاقہ میں کنکشن کو2500 یونٹس (200,000)روپے،ایمپریس پارک گڑھی شاہو کے علاقے میں کنکشن کو5076 یونٹس200,000 روپے اورگوالمنڈی کے علاقے میں ایک کنکشن کو200,000کی رقم چارج کی گئی ہے۔
گزشتہ چوبیس گھنٹوں کے دوران ریجن بھر میں 371کنکشنز بجلی چوری میں ملوث پائے گئے،371 بجلی چوروں کے خلاف ایف آئی آرز کی درخواستیں متعلقہ تھانوں میں دائرکی گئیں جس میں سے227درخواستیں رجسٹرڈ ہوچکی ہیں جبکہ20ملزمان کو گرفتار بھی کرلیا گیا ہے۔ پکڑے جانے والے کنکشنز میں 1 زرعی،14 کمرشل،1انڈسٹریل اور 355 ڈومیسٹک تھے۔ تمام کنکشنز منقطع کرکے ان کو440,583(چار لاکھ چالیس ہزارپانچ سو تراسی) یونٹس ڈٹیکشن بل کی مد میں چارج کئے گئے ہیں جن کی مالیت17,773,174(ایک کروڑ ستتر لاکھ تہتر ہزار ایک سو چوہتر) روپے ہے۔ واضح رہے بجلی چوروں کیخلاف آپریشنز وفاقی پاور ڈویڑن کی جانب سے دی گئی ہدایات کے مطابق کیئے جا رہے ہیں اور چیف ایگزیکٹو انجینئر شاہد حیدر بذاتِ خود ان آپریشنز کی نگرانی کر رہے ہیں۔ لیسکو چیف کا کہنا ہے کہ بجلی چوری کے مکمل خاتمے تک بلا تفریق گرینڈ آپریشن جاری رہے گا۔ آپریشن کے دوران بجلی چوروں کے ساتھ ساتھ ان کی سرپرستی کرنیوالے لیسکو افسران و ملازمین کو بھی قانون کے کٹہرے میں لایا جائے گا۔
