سسپنس کرائم اور تھرلر سے بھرپور فلم "چکڑ” کا ٹریلر ریلیز کردیا گیا
سسپنس کرائم اور تھرلر سے بھرپور فلم "چکڑ" کا ٹریلر ریلیز کردیا گیا، فلم 22 دسمبر کو ملک بھر کے سینما گھروں میں نمائش کے لیے پیش کی جائے گی۔
سسپنس کرائم اور تھرلر سے بھرپور فلم "چکڑ” کا ٹریلر ریلیز کردیا گیا، فلم 22 دسمبر کو ملک بھر کے سینما گھروں میں نمائش کے لیے پیش کی جائے گی۔
"چکڑ” سماجی مسائل پر مبنی فلم ہے جس میں معاشرے کی اُن تلخ حقیقتوں کو بیان کیا گیا ہے جسے ہم دیکھ کر بھی ان دیکھا کردیتے ہیں۔ دریچے فلمز کی پروڈکشن میں بننے والی کرائم تھرلر ظہیرالدین کی بطور ہدایتکار پہلی فلم ہے جس میں عثمان مختار اور اشنا شاہ مرکزی کردار ادا کررہے ہیں۔ فلم کی دیگر کاسٹ میں فریال محمود، نوشین شاہ، سلیم معراج، علی شیخ، عدنان شاہ ٹیپو سمیت ٹی وی اور تھیٹر کے دیگر اداکار شامل ہیں۔
دریچے فلمز کے تحت بننے والی فلم پنجاب کے ایک چھوٹے سے قصبے میں فلمائی گئی ہے جس کے ٹریلر میں سنجیدگی، تخلیقی صلاحیت، دلچسپ حالات، حساس موضوعات اور حقیقت پسندانہ مناظر کی عکاسی کی گئی ہے جو اپنے ناظرین کو کرائم اور سسپنس سے بھرپور تجربہ فراہم کرے گی۔
ٹریلر لانچ کے موقع پر، رائٹر اور ڈائریکٹر ظہیرالدین نے کہا کہ "چکڑ کی کہانی ہمارے ملک کی پیچیدگیوں کا مشاہدہ کرتے ہوئے سسپنس، ڈرامہ اور حقیقت پسندی کا انوکھا امتزاج ہے جوعوام کو ایک شاندار سنیمیٹک سفر کا تجربہ دے گی ۔
