لیسکو کی جانب سے نادہندگان کے خلاف مہم جاری،2 ماہ میں 1ارب 59کروڑ روپے سے زائد کی وصولی کرلی گئی۔

لاہور پاکستان(نمائندہ وائس آف جرمنی):لاہور الیکٹرک سپلائی کمپنی (لیسکو) کے چیف ایگزیکٹو انجینئر شاہد حیدر کی ہدایت پرڈائریکٹر کسٹمرسروسز رائے محمد اصغر کی زیرِنگرانی نادہندگان کے خلاف مہم جاری، اس سلسلے میں چیف انجینئرز تحصیل داروں کی معاونت سے ریکوری کو بہتر سے بہترین کر رہے ہیں۔
مہم کے90 ویں روز578 نا دہندگان سے1کروڑ18لاکھ روپے سے زائد کی وصولی کرلی گئی ہے۔ چیف انجینئراو اینڈ ایم (ٹی اینڈ جی) ظفر ا قبال نے تحصیلدار سٹی مجاہد ضیا اور تحصیلدار شالیمار نوریز ہمایوں کی معاونت سے نادرن سرکل میں 71نادہندگان سے1.72 ملین اور ایسٹرن سرکل میں 72 نادہندگان سے2.84 ملین کی ریکوری کی۔ دوسری جانب منیجر میٹریل ڈسپوزل انجینئر انور وٹونے تحصیلدارماڈل ٹاؤن رانا ارسال اور تحصیلدارکینٹ سجاد قریشی کے ساتھ مل کر سینٹرل سرکل میں 58نادہندگان سے1.51 ملین اور ساؤتھ سرکل میں 86نادہندگان سے1.66ملین کی ریکوری کی۔ اسی طرح منیجر ٹیکنیکل انجینئر محمد فاروق نے تحصیلدار ننکانہ محمد اقبال رشید اور تحصیلدار شیخوپورہ محمد اسلم گجر کی معاونت کے ساتھ ننکا نہ سرکل میں 52 نادہندگان سے0.73 ملین اور شیخوپورہ سرکل میں 52 نادہندگان سے1.07 ملین کی ریکوری کی۔ منیجر ای اینڈ ایس (پی ایم یو) انجینئر عباس علی نے نائب تحصیلدار قصور اور اوکاڑہ مرزا زاہدبیگ کی معاونت سے اوکاڑہ سرکل میں 110نادہندگان سے0.95 ملین جبکہ قصور سرکل میں 77 نادہندگان سے1.38ملین کی ریکوری کی گئی۔
2ماہ سے جاری مہم کے دوران52155ڈیفالٹرز سے1ارب59 کروڑ روپے سے زائد کی ریکوری کر لی گئی۔ لیسکو ترجمان کی جانب سے جاری کردہ اعلامیہ کے مطابق نادرن سرکل میں 6713 نادہندگان سے201.79 ملین روپے، ایسٹرن سرکل میں 6750 نادہندگان سے388.13ملین کی ریکوری کی گئی۔ سینٹرل سرکل میں 6193نا دہندگان سے213.63ملین اور ساؤتھ سرکل میں 2785نا دہندگان سے84.40 ملین کی ریکوری کی گئی۔ ننکانہ سرکل میں 4820 نادہندگان سے114.28 ملین اور شیخوپورہ سرکل میں 6018 نادہندگان سے240.73 ملین کی ریکوری کی گئی، اوکاڑہ سرکل میں 8164 نادہندگان سے101.88 ملین جبکہ قصور سرکل میں 10712 نا دہندگان سے247.71 ملین کی ریکوری کی گئی۔چیف ایگزیکٹو لیسکو کا کہنا ہے کہ نا دہندگان کے باعث ادارے کو نقصان کا سامنا ہے، ان کے خلاف کارروائی کا سلسلہ جاری رہے گا۔