سال 2023: 48 لاکھ شہری قانون شکن نکلے، ٹریفک قوانین کی خلاف ورزیوں میں موٹرسائیکل سوار اب سے آگے
سی ٹی او لاہور عمارہ اطہر کا کہنا تھا کہ لین لائن،سٹاپ لائن اور زیبرا کراسنگ کی خلاف ورزی پر 02 لاکھ 23 ہزار وہیکلز اور غلط پارکنگ کرنے پر 01 لاکھ 20 ہزار وائیلٹرز پکڑے گئے
لاہور پاکستان(نمائندہ وائس آف جرمنی): لاہور ٹریفک پولیس کے سال 2023 کے اعداد و شمار کے مطابق 22 لاکھ 64 ہزار موٹرسائیکل سواروں ہیلمٹ نہ پہننے پر چالان ٹکٹس جاری کئے گئے، جبکہ 05 لاکھ 20 ہزار 927 بغیر لائسنس گاڑی،موٹرسائیکل چلانے پر چالان ٹکٹس جاری کئے گئے، سی ٹی او لاہور عمارہ اطہر کا کہنا تھا کہ لین لائن،سٹاپ لائن اور زیبرا کراسنگ کی خلاف ورزی پر 02 لاکھ 23 ہزار وہیکلز اور غلط پارکنگ کرنے پر 01 لاکھ 20 ہزار وائیلٹرز پکڑے گئے، سال 2023 میں لاہوریوں نے 85 ہزار مرتبہ ون وے کیخلاف ورزی کی، ٹریفک بہاؤ میں خلل ڈالنے پر 63 ہزار وہیکلز کےخلاف کارروائی کی گئی، عمارہ اطہر کا مزید کہنا تھا کہ ریڈ سگنل کراسنگ پر 39 ہزار، سیٹ بیلٹ نہ پہننے پر 31 ہزار وہیکلز ل، دوران ڈرائیونگ موبائل فون کے استعمال پر 48 ہزار، خطرناک انداز میں ڈرائیونگ پر 49 ہزار وہیکلز، کالے شیشوں پر 04 ہزار وہیکلز، بغیر اور اپلائیڈ فار 01 لاکھ 36 ہزار وہیکلز کےخلاف کارروائی کی گئی، سی ٹی او لاہور کا کہنا تھا کہ کارروائیوں کا مقصد ٹریفک قوانین کی بالادستی اور منظم ٹریفک کو یقینی بنانا ہے،چالان کا مقصد ریونیو اکھٹا کرنا نہیں،بلکہ شہریوں کی اصلاح کرنا ہے،
