سپیکر سردار محمد سبطین خان کا پریس کلب کی نومنتخب باڈی کو مبارکباد

لاہور پاکستان (نمائندہ وائس آف جرمنی): سپیکر سردار محمد سبطین خان کا نومنتخب صدر پریس کلب ارشد انصاری ، سینئر نائب صدر شیراز حسنات، نائب صدر امجد عثمانی ،سیکرٹری عابد، خزانچی سالک نواز سمیت ایگزیکٹو کونسل کے نومنتخب ممبران کے لیے نیک خواہشات کا اظہار کیا اور کہا امید ھے کہ پریس کلب کی نومنتخب باڈی صحافیوں کو درپیش مسائل کے حل میں فعال اور مثبت کردار ادا کرے گی۔
24 دسمبر کو پریس کلب میں 2024 کے نومنتخب باڈی کے الیکشن ہوئے جسمیں جرنلسٹ پروگریسو الائنس نے میدان مار لیا، ارشد انصاری 984 ووٹ لیکر سال 2024 کیلئے صدر لاہور پریس کلب منتخب ہوگئے، ان کے مد مقابل میاں محمد شہباز 811 ووٹ لے کر دوسرے نمبر پر رہے۔
زاہد عابد 983 ووٹ لے کر سیکرٹری کے عہدے پر فائز ہوئے جبکہ 1035 ووٹوں کے ساتھ شیراز حسنات سینئر نائب صدر منتخب ہو گئے، امجد عثمانی 1008 ووٹ لے کر نائب صدر کی سیٹ جیت گئے جبکہ جعفر بن یار جوائنٹ سیکرٹری اور سالک نواز خزانچی منتخب ہوئے۔
لاہور پریس کلب کے انتخابات میں کل 1820 ووٹ کاسٹ ہوئے۔