آج سے شہر لاہور میں ایک بار پھر بغیر ہیلمٹ موٹرسائیکل سواروں کےخلاف کریک ڈاؤن کیا جائے گا،سی ٹی او لاہور عمارہ اطہر

لاہور پاکستان(نمائندہ وائس آف جرمنی): سی ٹی او لاہور عمارہ اطہر نے مال روڈ پر ہیلمٹ انفورسمنٹ مہم اور ڈرائیونگ لائسنس کے حوالے سے میڈیا نمائندوں کو بریفنگ دی، اس موقعہ پر ان کا کہنا تھا کہ آج سے شہر لاہور میں ایک بار پھر بغیر ہیلمٹ موٹرسائیکل سواروں کےخلاف کریک ڈاؤن کیا جائے گا، ہیلمٹ انفورسمنٹ مہم کے انتہائی مثبت اثرات، مہلک حادثات میں کمی ہوئی، عمارہ اطہر کا مزید کہنا تھا کہ رواں سال 22 لاکھ 70 ہزار موٹرسائیکل سواروں نے ہیلمٹ قوانین کی خلاف ورزی کی،سال 2022 میں 484 جبکہ رواں سال 387 جانیں حاڈثات کی نذر ہوئی،ہم 97 قیمتی جانیں بچانے میں کامیاب رہے، آئندہ سال مہلک حادثات میں مزید کمی لائیں گیں،ہیلمٹ انفورسمنٹ مہم سے ہسپتالوں میں غیر معمولی لوڈ میں کمی دیکھنے میں آئی، سی ٹی او لاہور کا مزید کہنا تھا کہ 90 فیصد شہریوں کا ہیلمٹ پہننا خوش آئندہ، مزید سختی کرنے کی ضرورت ہے،شہریوں کےساتھ ساتھ بغیر ہیلمٹ اور بغیر لائسنس پولیس اہلکاروں کےخلاف بھی کارروائیاں کیں گئیں، عمارہ اطہر کا ڈرائیونگ لائسنس میں فیسوں میں اضافہ کے حوالے سے بات چیت کرتے ہوئے کہنا تھا کہ یکم جنوری 2024 سے لائسنس فیسوں میں اضافہ ہوگا،سال 2022 میں 03 لاکھ جبکہ سال 2023 میں 27 لاکھ 50 ہزار شہریوں نے لرنر بنوائے،سال 2022 میں 33 ہزار جبکہ رواں سال ابتک 01 لاکھ 40 ہزار لائسنس جاری کئے جاچکے ہیں،آن لائن سروسز فراہم کرنے سے 90 فیصد رش کم ہوکر رہ گیا، بغیر لائسنس اور کم عمر ڈرائیورز کےخلاف کریک ڈاؤن جاری رہے گا، عمارہ اطہر کا کہنا تھا کہ شہریوں کی سہولت کے نئے خدمت مراکز قائم قائم کئے جارہے ہیں، سی ٹی او لاہور عمارہ اطہر نے آگاہی کیلئے شہریوں میں ہیلمٹس بھی تقسیم کئے،