ایس ایم تنویر کا فیصل آباد کا دورہ، صنعت کاروں اور تاجروں سے ملاقاتوں کے دوران انڈسٹری کے مسائل پر بات چیت

لاہور پاکستان(نمائندہ وائس آ ف جرمنی): صوبائی وزیر صنعت و تجارت ایس ایم تنویر نے کہا ہے صنعتکاروں وتاجروں کو سازگار ماحول کی فراہمی اولین ترجیح ہے جبکہ انہیں مقامی وصوبائی سطح پر درپیش مسائل کے حل کے لئے بھی سنجیدہ اقدامات کئے جارہے ہیں۔لاہور میں بزنس فسیلیٹیشن سنٹر بن چکا دیگر شہروں میں بھی ایسے بزنس فیسیلیٹیشن سنٹرز بنائے جائیں گے۔
صوبائی وزیر ایس ایم تنویر نے فیصل آباد کے تفصیلی دورہ کے موقع پر مختلف تاجر تنظیموں کے عہدیداران سے ملاقاتیں کیں اورصنعت کاروں و تاجروں کے مسائل پر بات چیت ہوئی۔صوبائی وزیرنے کہا کہ صنعت کے شعبہ کی ترقی نگران صوبائی حکومت کی ترجیح ہے اور اس ضمن میں ایسے اقدامات کئے گئے ہیں جن کی ماضی میں کوئی مثال نہیں ملتی۔انہوں نے کہا کہ بطور نگران وزیر صنعت و تجارت صنعت کارں اور تاجروں سے رابطے میں ہوں اور انہیں درپیش مسائل کے حل کیلئے عملی اقدمات کیے اور اس مقصد کیلئے ہر فورم سے رجوع بھی کیا۔انہوں نے کہا کہ صنعت کی ترقی ہی دراصل پاکستان اور پنجاب کی ترقی ہے اور فیصل آباد کے صنعتکار وتاجر قومی معیشت کے استحکام میں اہم کردار اداکررہے ہیں۔نگران صوبائی وزیر نے دورہ کے دوران مختلف ٹیکسٹائل انڈسٹریز کا بھی دورہ کیا جبکہ سمال انڈسٹریز کے تاجروں سے بھی ملاقات کی۔