انٹرٹینمینٹ
عامر خان کی بیٹی اِرا خان کی شادی، سلمان خان کے گھر مہندی کی تقریب
عامر خان اور اُن کے خاندان کے باقی افراد کو سلمان خان کے گھر پر جاتے ہوئے دیکھا گیا تھا
بالی وُڈ کے سپرسٹار عامر خان کی بیٹی ارا خان بدھ کو اپنے منگیتر نوپور شکھیرے کے ساتھ شادی کے بندھن میں بندھنے جا رہی ہیں۔
بدھ کو ارا خان نے فوٹو اینڈ ویڈیو شیئرنگ پلیٹ فارم انسٹاگرام پر اپنی سیلفی شیئر کی اور کہا کہ ’تیار ہوں، میں آج پورا دن یہ ہی پہنوں گی۔‘
انڈین میڈیا کے مطابق ارا خان کو اس سے قبل سیلون میں دیکھا گیا ہے جہاں انہوں نے کالی ٹی شرٹ زیب تن کی ہوئی تھی اور سر پر ’برائیڈ ٹو بی‘ یعنی دلہن بننے جا رہی ہوں کا ہیڈ بینڈ بھی باندھ رکھا تھا۔
ارا خان نے اپنی دوسری انسٹاگرام سٹوری میں بھی ’برائیڈ ٹو بی‘ کا ہیڈ بینڈ باندھ کر تصویر شیئر کی کہ ’بس مختلف جگہوں پر اپنا ہیڈ بینڈ باندھ کر بیٹھی ہوئی ہوں۔‘
عامر خان کی بیٹی ارا خان کی شادی کی تقریبات گذشتہ کئی دنوں سے چل رہی ہیں۔
اسی سلسلے میں منگل کو عامر خان، اُن کے بیٹے جنید خان، اُن کی سابق اہلیہ کرن راؤ اور بیٹے آزاد راؤ خان سمیت خاندان کے باقی افراد کو سلمان خان کے گھر پر جاتے ہوئے دیکھا گیا تھا۔
خبروں کے مطابق ارا خان اور نوپور شکھیرے کی مہندی کی تقریب ممبئی کے علاقے باندرا میں واقع سلمان خان کے گھر پر ہوئی۔
