حکومت ِپنجاب کی کرپشن کے خلاف مہم کے نتیجے میں محکمہ معدنیات ترقی کی راہ پر گامزن۔

لاہور پاکستان(نمائندہ وائس آف جرمنی):‌سیکرٹری معدنیات بابر امان بابر کی قیادت میں منصفانہ اور شفاف نیلامی کے عمل کے نتیجےمحکمہ معدنیات کی بڑی کامیابی حا صل ہو ئی ہے۔محکمہ معدنیات نے کرپشن سے پاک اور شفاف نیلامی اور بولی دہندگان کے درمیان سخت مقابلے کے نتیجے میں، ضلع اٹک میں ایک سال کے رائلٹی کنٹریکٹ کی مد میں1.25 بلین کی سب سے زیادہ بولی روپے حاصل کی۔ سیکرٹری معدنیات نے کہا 1.25 بلین کی یہ بولی محکمہ معدنیات کی تاریخ میں موصول ہونے والی سب سے زیادہ بولی ہے، پچھلے سال ڈسٹرکٹ اٹک میں یہ رائلٹی کا ٹھیکہ ایک سال کی مدت کے کے لیے 76 کڑوڑ میں دیا گیا تھا.ضلع اٹک کی یہ نیلامی حکومت پنجاب کے کرپشن اور بد عنوانی سے پاک پنجاب کے نسب العین کی عکاسی کرتی ہے.
سیکرٹری معدنیات بابر امان بابر نے نیلامی ٹیم کی تعریف کی اور اس عزم کا اظہار کیا کہ وہ نیلامی کی تمام کارروائیوں کی ذاتی طور پر نگرانی کریں گے۔اجارہ داریوں کو توڑنے اور منصفانہ مسابقت کو یقینی بنانے کے لیے محکمہ معدنیات ای نیلامی کے نظام کے لیے اقدامات کر رہا ہے.انہوں نے کہا کہ محکمہ معدنیات میں بہت زیادہ پوٹینشل موجود ہے جو یا تو غیر دریافت ہے یا بدعنوان طریقوں کی وجہ سے ضائع ہو رہا ہے.
نیلامی کمیٹی کی سربراہی نادیہ پروین جنرل اسسٹنٹ ریونیو اٹک نے کی جبکہ محمد فہد اکبر اسسٹنٹ ڈائریکٹر معدنیات اٹک نے سیکرٹری آکشن کمیٹی کے فرائض سرانجام دیئے۔