شہریوں کی سہولت کے پیش نظر لاہور میں وارڈن کی سیکنڈ شفٹ میں نفری میں اضافہ کیا جائے گا، عمارہ اطہر

لاہور پاکستان(نمائندہ وائس آف جرمنی): سٹی ٹریفک پولیس نے رمضان المبارک کے حوالے سے ٹریفک پلان جاری کر دیا، سی ٹی او لاہور عمارہ اطہر کا کہنا تھا کہ ڈویژنل افسران، سرکل افسران افطار اور سحر کے اوقات میں مکمل سپرویژن کریں گے، رمضان المبارک میں مجموعی طور پر 410 انسپکٹرز اور 02 ہزار سے زائد ٹریفک وارڈنز فرائض سرانجام دیں گیں،  جبکہ شہر میں لگنے والے رمضان بازاروں میں بھی اضافی نفری تعینات کردی گئی ہے، رمضان بازاروں کے گرد و نواح میں پارکنگ کے خصوصی انتظامات کئے جائیں گے، سی ٹی او لاہور کا مزید کہنا تھا کہ ٹریفک دباؤ کو مدنظر رکھتے ہوئے افطار کے وقت ٹریفک کی موثر روانی کےلئے ایمرجنسی اسکواڈز بھی تشکیل دئیے گئے ہیں، مصروف مقامات پر رانگ پارکنگ کے خاتمے کیلئے 24 فوک لفٹرز، 02 بریک ڈاؤنز تعینات ہمہ وقت موجود رہیں گیں، اسی طرح نمازے تراویح کے موقعہ پر اہم شاہراہوں پر واقعہ سو سے زائد مساجد کے باہر ٹریفک اہلکار تعینات ہونگے، ٹریفک دباؤ کے دوران ٹریفک کی موثر روانی اور شہریوں کی سہولت کے پیش نظر وارڈن کی سیکنڈ شفٹ میں نفری میں اضافہ کردیا گیا ہے، افطار کے وقت تمام سرکل افسران مصروف شاہراہوں پر اپنی پوزیشن رکھیں گیں، سی ٹی او لاہور عمارہ کا کہنا تھا کہ وارڈنز کو ان کے ڈیوٹی پوائنٹس پر افطاری مہیا کی جائے گی، افطار کے وقت کوئی بھی وارڈن اپنا ڈیوٹی پوائنٹ چھوڑ کر نہیں  جائے گا، سی ٹی او لاہور نے سرکل افسران کو ہدایات جاری کرتے ہوئے کہا کہ سپاہ کی حوصلہ افزائی کےلئے سینئر ٹریفک افسران بھی چوکوں میں افطاری کریں گے، ہمارا کام شہریوں کےلئے آسانیاں پیدا کرنا ہے، ماہ صیام کے حوالے سے سی ٹی او لاہور نے شہریوں سے افطار کے وقت صبر و تحمل اور برداشت کی اپیل کی ہے،  ان کا کہنا تھا کہ شہری تیز رفتاری اور جلد بازی سے مکمل اجتناب رکھیں کیونکہ ہمارا دین بھی مکمل حقوقِ العباد کی تلقین کرتا ہے