وزیراعلی پنجاب کی ہدایت پر ایل ڈی اے ورلڈ فارسٹ ڈے پر "پلانٹ فار پاکستان” کے تحت خصوصی مہم کا آغاز کرے گا۔طاہر فاروق

لاہور پاکستان(نمائندہ وائس آف جرمنی): ڈائریکٹر جنرل لاہور ڈویلپمنٹ اتھارٹی طاہر فاروق کی زیر صدارت ورلڈ فارسٹ ڈے پر شجر کاری کی خصوصی مہم بارے اجلاس منعقد ہوا۔ اجلاس میں ایڈیشنل ڈی جی، ڈائریکٹر انوائرمنٹ اور چیف میٹرو پولیٹن پلاننگ نے تیاریوں بارے بریفنگ دی۔ایل ڈی اے ایونیو ون، جوبلی ٹاؤن، ایف ٹی سی، امپوریم مال اور دیگر مقامات پر پودے لگائے جائیں گے اورشہریوں کو مفت پودے تقسیم کیے جائیں گے۔ایل ڈی اے کے تمام ہاؤسنگ ڈائریکٹرز اپنی اپنی سکیموں میں بھی پودے لگائیں گے۔ ڈائریکٹر جنرل ایل ڈی اے طاہر فاروق نے کہا کہ وزیراعلی پنجاب کی ہدایت پر ایل ڈی اے ورلڈ فارسٹ ڈے پر "پلانٹ فار پاکستان” کے تحت خصوصی مہم کا آغاز کرے گا۔ ایل ڈی اے پرائیویٹ سیکٹر کے ساتھ مل کر شہر میں ایک لاکھ سے زائد پودے لگائے گا۔ ڈی جی ایل ڈی اے طاہر فاروق نے کہا کہ ایل ڈی اے پرائیویٹ ہاؤسنگ سکیموں کے تعاون سے 60 ہزار پودے لگوائے گا۔ ایل ڈی اے ون ونڈوسیل جوہر ٹاؤن اور ایونیو ون میں آنے والے شہریوں کو مفت پودے بھی تقسیم کیے جائیں گے۔ڈی جی ایل ڈی اے نے کہا کہ ایل ڈی اے شہر میں مختلف پوائنٹس پر پودے مفت تقسیم کرے گا۔ ایل ڈی اے سکولوں کے بچے بھی خصوصی مہم میں بھر چڑھ کر حصہ لیں۔ ڈی جی ایل ڈی اے طاہر فاروق نے کہا کہ وزیراعلی پنجاب مریم نواز شریف کے وژن کے تحت صوبائی دارالحکومت کو گرین اینڈ کلین بنانے کے لیے اقدامات جاری رہیں گے۔اجلاس میں ایڈیشنل ڈی جیز، چیف انجینئر ایل ڈی اے، چیف میٹرو پولیٹن پلاننگ، چیف ٹاؤن پلانرز، ڈائریکٹر انوائرمنٹ، ہاؤسنگ اور ٹاؤن پلاننگ کے تمام ڈائریکٹرز نے شرکت کی۔