چوہدری شافع حسین سے برطانوی ہائی کمیشن لاہور کی سربراہ کلارا سٹرینڈ ہوئے ملاقات

پاکستان لاہور (نمائندہ وائس آف جرمنی):صوبائی وزیر صنعت و تجارت چوہدری شافع حسین سے برطانوی ہائی کمیشن لاہور کی سربراہ کلارا سٹرینڈ ہوئے پنجاب سرمایہ کاری بورڈ کے کمیٹی روم میں ملاقات ہوئی۔ جس میں دوطرفہ تجارتی تعاون بڑھانے اور باہمی دلچسپی کے امور پر تبادلہ خیال ہوا۔ صوبائی وزیر صنعت و تجارت چوہدری شافع حسین نے گفتگو کرتے ہوئے کہا کہ برطانیہ پاکستان کا بڑا تجارتی پارٹنر ہے تاہم باہمی تجارت مزید بڑھانے کی ضرورت ہے۔ انہوں نے کہا کہ وزیر اعلیٰ پنجاب مریم نواز شریف کی ہدایت پر برطانیہ کے ساتھ تجارتی تعاون بڑھایا جائے گا اوربرطانیہ کوبرآمدات بڑھانے کے لئے اقدامات کئے جائیں گے۔ صوبائی وزیر نے کہا کہ پنجاب میں زراعت، توانائی، ٹیکنیکل ایجوکیشن اور دیگر شعبوں میں سرمایہ کاری کی وسیع گنجائش موجود ہے۔برطانیہ کے سرمایہ پنجاب کے صنعتی مراکز میں سرمایہ کاری کریں، ہرممکن سہولت دیں گے۔چوہدری شافع حسین نے کہا کہ نوجوانوں کو عالمی معیار کی ٹیکنیکل ایجوکیشن سے آراستہ کرنا میرا عزم ہے۔آن لائن ٹیچرز ٹریننگ پروگرام میں برطانیہ تعاون فراہم کرسکتا ہے۔صوبائی وزیر صنعت و تجارت نے رمضان پیکج اوردیگر عوامی فلاح کے منصوبوں سے آگاہ کیا۔برطانوی ہائی کمیشن لاہور کی سربراہ کلارا سٹرینڈ ہوئے نے کہا کہ پنجاب کے ساتھ باہمی تعاون اور دو-طرفہ تجارت بڑھائیں گے آلٹرنیٹو انرجی پر برطانیہ تعاون کے لئے تیار ہے۔سی ای او پنجاب سرمایہ کاری بورڈ جلال حسن بھی ملاقات میں موجود تھے۔