سیف سٹی نے لڑکی کو ہراساں کرنے والا شخص گرفتار کروا دیا

پاکستان لاہور (نمائندہ وائس آف جرمنی):سیف سٹی نے لڑکی کو ہراساں کرنے والا شخص گرفتار کروا دیا۔تفصیلات کے مطابق گرومانگٹ روڈ گلبرگ کے علاقے سے پریشان لڑکی نے 15 ایمرجنسی پر کال کی۔لڑکی کو آفس کے باہر موٹر سائیکل سوار نے ہراساں کرنے کی کوشش کی۔سیف سٹی ٹیم نے لڑکی کی شکایت پر فورا پولیس کو ریسکیو کیلئے بھجوایا۔سیف سٹی کیمروں سے ملزم کو ٹریس کیا اور گرفتاری عمل میں لائی گئی۔ترجمان سیف سٹی کا کہنا تھا کہ خواتین اپنے تحفظ کو یقینی بنانے کیلئے موبائل میں ’’ویمن سیفٹی ایپ‘‘ انسٹال کریں۔خواتین ویمن سیفٹی ایپ کے الرٹ 15 اور لائیو چیٹ فیچرز سے فوری مدد حاصل کرسکتی ہیں۔اب تک 3 لاکھ سے زائد خواتین پنجاب پولیس ویمن سیفٹی ایپ انسٹال کر چکی ہیں۔