غنی انسٹیٹیوٹ آف کرکٹ کا رمضان ٹورنامنٹ کا انعقاد خوش آئند ہے،محسن نقوی

پاکستان لاہور (نمائندہ وائس آف جرمنی): چیئر مین پی سی بی محسن نقوی نے کہاہے کہ غنی انسٹیٹیوٹ آف کرکٹ کا رمضان ٹورنامنٹ کا انعقاد خوش آئند ہے۔ چیئرمین پاکستان کرکٹ بورڈ محسن نقوی کی ڈی ایچ اے میں غنی انسٹیٹیوٹ آف کرکٹ پہنچے ،چیئرمین پی سی بی محسن نقوی کو رمضان ٹورنامنٹ میں حصہ لینے والے کھلاڑیوں نے پھول پیش کئے ۔
چیئرمین پی سی بی محسن نقوی نے ٹیموں کے کھلاڑیوں سے مصافحہ کیا۔
چیئرمین پی سی بی محسن نقوی نے غنی انسٹیٹیوٹ آف کرکٹ کے زیر اہتمام رمضان ٹورنامنٹ کا میچ دیکھا،چیئرمین پی سی بی محسن نقوی نے اچھے کھیل پر کھلاڑیوں کو داد دی۔ محسن نقوی نے کہاکہ اس طرح کے ٹورنامنٹ سے نیا ٹیلنٹ سامنے آئے گا۔ انہوںنے کہاکہ غنی انسٹیٹیوٹ آف کرکٹ کا رمضان ٹورنامنٹ کا انعقاد خوش آئند ہے۔ قومی کرکٹ ٹیم کے سابق بیٹسمین سلمان بٹ نے چئیرمین پی سی بی محسن نقوی کو ٹورنامنٹ کے حوالے سے بریف کیا، سی سی پی او لاہور بلال کمیانہ،ڈائریکٹر ڈومیسٹک کرکٹ پی سی بی عبداللہ خرم نیازی اور دیگر حکام بھی اس موقع پر موجود تھے۔