آئی جی پنجاب ڈاکٹر عثمان انور کی پنجاب سپیشلائزڈ ہیلتھ کیئر اینڈ میڈیکل ایجوکیشن آفس لارنس روڈ آمد

پاکستان لاہور(نمائندہ وائس آف جرمنی): آئی جی پنجاب ڈاکٹر عثمان انور کی صوبائی وزیر برائے پرائمری اینڈ سیکنڈری ہیلتھ کیئر خواجہ عمران نذیر، وزیر برائے سپیشلائزڈ ہیلتھ کیئر اینڈ میڈیکل ایجوکیشن خواجہ سلمان رفیق سے ملاقات، محکمہ صحت کے تعاون سے پولیس ملازمین کی ہیلتھ ویلفیئر سمیت باہمی دلچسپی کے امور زیر غور آئے،صوبائی سیکرٹری صحت علی جان سمیت محمکہ صحت کے سینئر افسران بھی اس موقع پر موجود تھے،وزیر اعلی پنجاب مریم نواز شریف کے ویژن کے مطابق ہسپتالوں میں قائم پولیس خدمت کاؤنٹرز کو مزید فعال اور سہولیات کا معیار زیادہ بہتر بنانے پر اتفاق رائے، صوبائی وزراء صحت اور آئی جی پنجاب کا ٹرانسجینڈرز کمیونٹی کو درپیش صحت عامہ کے مسائل کے حل کیلئے مشترکہ اقدامات کا فیصلہ، محکمہ صحت کے تعاون سے ٹرانسجینڈرز کے ایڈز سمیت دیگر بیماریوں کے ٹیسٹ کروائے جائیں گےپنجاب پولیس کینسر کے مریض بچوں کے وارڈز کو خوبصورت بنانے میں بھرپور کردار ادا کرے گی،پولیس ملازمین کی ہیلتھ سکریننگ، ہیپاٹائٹس ویکسینیشن کی تیسری خوراک جلد مکمل کروائی جائے گی، آئی جی پنجاب ڈاکٹر عثمان انور کا ہیلتھ ڈیپارٹمنٹ کے اشتراک سے پولیس ملازمین کی ہیلتھ سکریننگ اور سائیکالوجیکل پروفائلنگ دوبارہ کروانے کا فیصلہ،پولیس لائنز ویلفیئر ہسپتال قلعہ گجر سنگھ کا کنگ ایڈورڈ میڈیکل کالج کے ساتھ اشتراک عمل جاری رہے گا، پولیس لائنز قلعہ گجر سنگھ ہسپتال میں ملازمین اور ان کے اہلخانہ کو علاج معالجے کی بہترین سہولیات میسر آئیں گی، وزیر اعلی پنجاب مریم نواز شریف کے ویژن کے تحت پولیس ملازمین کو بہترین طبی سہولیات فراہم کی جا رہی ہیں، ملاقات کے دوران پولیس ملازمین کی ہیلتھ ویلفیئر سمیت دیگر امور پر تفصیلی تبادلہ خیال کیا گیا،ڈی آئی جی آپریشنز لاہور سید علی ناصر رضوی، ایس ایس پی آپریشنز، اے ایس پی شہربانو نقوی سمیت سینئر پولیس افسران بھی موقع پر موجود تھے۔