یونیسف پاکستان کے وفد کا پنجاب آب پاک اتھارٹی ہیڈ آفس کا دورہ ،منصوبوں پر بریفنگ

لاہور پاکستان(نمائندہ وائس آف جرمنی): یونیسف پاکستان کے وفد نے منگل کو پنجاب آب پاک اتھارٹی ہیڈ آفس کا دورہ کیا۔ اس موقع پر منعقدہ اجلاس میں ڈائریکٹر پراجیکٹس سنٹرل شرجیل حسین نے وفد کو آب پاک اتھارٹی کے منصوبوں پر بریفنگ دی۔ بعد ازاں چیف ایگزیکٹو آفیسر پنجاب آب پاک اتھارٹی سید زاہد عزیز نے یونیسیف کے تاکا حاشی کو خصوصی طور پر قصور میں واقع سر فس واٹر ٹریٹمنٹ پلانٹ کا دورہ کروایا ۔
سید زاہد عزیز نے کہا کہ سرویز کے مطابق ضلع قصور میں واقع بدرپور گائوں میں زیر زمین پانی میں آرسینک کی مقدار خطرناک حد تک بڑھ چکی تھی،جس پر متعلقہ گائوں میں یونیسیف کے تعاون سے سرفس واٹر ٹریٹمنٹ پلانٹ لگایا گیا۔ انہوں نے کہا کہ پنجاب آب پاک اتھارٹی نے یونیسیف کے مالی تعاون سے اپنی نوعیت کا منفرد منصوبہ متعارف کروایا،پنجاب میں صاف پانی کی فراہمی کے منصوبوں میں یونیسیف کی خدمات قابل تعریف ہیں۔ تاکاحاشی نے پنجاب آب پاک اتھارٹی کے زیر انتظام پانی کے منصوبوں کو سراہا۔یونیسف کی واش افسر ملیحہ نقوی اور ڈائریکٹر پراجیکٹس آب پاک اتھارٹی زہیب بٹ بھی اس موقع پر موجود تھے۔ 