وزیر اعلیٰ مریم نواز سے تھیلیسیمیا کے مریض بچے کی ملاقات، پانچ لاکھ روپے کا چیک دیا،گھر دلوانے کا وعدہ
محمد رضوان کو ساتھ بٹھایا، صحت کے بارے میں دریافت کیا، محمد رضوان کا ملاقات پر اظہارِ مسرت,ملکر بہت خوشی ہوئی، تھیلیسیمیا کاہر مریض معاشرے کی خصوصی توجہ کے مستحق ہیں:مریم نوازشریف
پاکستان،لاہور(نمائندہ وائس آف جرمنی): وزیر اعلیٰ پنجاب مریم نوازشریف سے تھیلیسیمیا کے مریض بچے محمد رضوان نے ملاقات کی۔وزیر اعلیٰ مریم نواز نے محمد رضوان کو پانچ لاکھ روپے کا امدادی چیک دیا۔ وزیراعلی مریم نوازشریف نے محمد رضوان کی اپنے گھر کی خواہش پوری کرنے کا وعدہ کیا۔وزیراعلی مریم نوازشریف نے تھیلیسیمیا کے دیگر بچوں کا بھی خیال رکھنے کا عزم کا اظہار کیا۔وزیر اعلیٰ مریم نواز شریف نے محمد رضوان کا گرمجوشی سے خیر مقدم کیا۔وزیر اعلیٰ مریم نواز شریف نے محمد رضوان کو ساتھ بٹھایااور صحت کے بارے میں دریافت کیا۔محمد رضوان نے وزیراعلی مریم نواز شریف سے ملاقات پر دلی مسرت کا اظہار کیا۔ محمد رضوان نے کہا کہ یقین نہیں آرہا وزیر اعلیٰ سے مل رہا ہوں۔ وزیر اعلیٰ مریم نواز شریف شریف نے کہا کہ مجھے بھی یقین نہیں آرہا۔ محمد رضوان بہت اچھا نام ہے، ملکر بہت خوشی ہوئی۔تھیلیسیمیا کاہر مریض معاشرے کی خصوصی توجہ کے مستحق ہیں۔ تھیلیسیمیا کے مریضوں کیلئے خون کی تبدیلی کے عمل سے گزرنا تکلیف دہ ہے۔ سینٹر پرویز رشید بھی اس موقع پر موجود تھے۔
