پی ڈی ایم اے اور جرمنی کی تنظیم ویلٹ ہنگر ہائف کے درمیان ایم او یو سائن کیا گیا
ایم او یو وفد کی جانب سے کہا گیا کہ ڈیزاسٹر رسک ریڈکشن میں بہتری اور ایکو سسٹم کی بحالی میں ویلٹ ہنگر ہائف پی ڈی ایم اے پنجاب سے تعاون کرےگی
پاکستان لاہور(نمائندہ وائس آف جرمنی):پی ڈی ایم اے اور جرمنی کی تنظیم ویلٹ ہنگر ہائف کے درمیان ایم او یو سائن کیا گیا۔ معاہدے کی تقریب پی ڈی ایم اے ہیڈ آفس لاہور میں منعقد ہوئی۔ نجی تنظم کے نمائندوں اور پی ڈی ایم اے کے درمیان باہمی معاملات پر تبادلہ خیال ہوا۔ نجی تنظیم کے نمائندوں نے پی ڈی ایم اے کے کام کرنے کے انداز کو سراہا۔ ترجمان پی ڈی ایم اے کے مطابق ایم او یو کا مقصد پنجاب میں ڈیزاسٹر رسک رڈکشن اور موسمیاتی تبدیلیوں میں تعاون ہے۔ قدرتی آفات سے متاثرہ کمیونٹی کی بنیادی و غذائی ضروریات کے شعبوں میں تعاون بڑھانے پر اتفاق کیا گیا۔ ایم او یو وفد کی جانب سے کہا گیا کہ ڈیزاسٹر رسک ریڈکشن میں بہتری اور ایکو سسٹم کی بحالی میں ویلٹ ہنگر ہائف پی ڈی ایم اے پنجاب سے تعاون کرےگی۔ ڈی جی پی ڈی ایم اے عرفان علی کاٹھیا کا کہنا تھا کہ پی ڈی ایم اے پنجاب سماجی تنظیم کو تمام تر ممکنہ سہولیات فراہم کر گا۔ ویلٹ ہنگر ہائف پی ڈی ایم اے پنجاب کو لوکل سطح تک رسک اسسمنٹ میں تعاون فراہم کرے گی۔ پی ڈی ایم اے پلاننگ کوآرڈینیشن اور آپریشنل معاملات میں سماجی تنظیم کو معاونت فراہم کرے گا۔ ایم او یو سائن کرنے کا مقصد باہمی تعاون کو فروغ اور ملکر قدرتی آفات کا مقابلہ کرنا ہے۔ وفد کی جانب سے مزید کہا گیا کہ پی ڈی ایم اے قدرتی آفات میں عوام کوریلیف دے رہا ہے، بھوک بھی قدرتی آفت ہے۔ پی ڈی ایم اے کے ساتھ مل کر پنجاب میں بھوک کے خاتمے کےلئے کام کریں۔ ڈی جی پی ڈی ایم اے عرفان علی کاٹھیا نے ویلٹ ہنگر تنظیم کا تعاون پر شکریہ ادا کیا۔ ڈی جی عرفان علی کاٹھا کا مزید کہنا تھا کہ پاکستان موسمیاتی تبدیلیوں سے متاثرہ ممالک میں شامل ہے۔ شہریوں کو بہترین ماحول اور سہولیات کی فراہمی کیلئے تمام تر وسائل بروئے کار لائے جا رہے ہیں۔ تقریب میں ڈائریکٹر پی ڈی ایم اے عامر رضا، ڈائریکٹر کوآرڈینیشن ظہیر لیاقت اور ڈائریکٹر آپریشنز نثار ثانی اور نجی تنظیم کے عہدیداران نے شرکت کی۔
